Chapter 3

Quinn

Kahit nasasaktan ay pinilit kong ipagpatuloy ang buhay.

Pero dahil sa nakita ko sa social media, pati na rin sa larawan na pinadala sa akin ni Daphne ay nagdesisyon na akong makipaghiwalay kay Gavri.

Ayaw ko ng sayangin ang buhay ko sa kanya.

Para sa akin ay sapat na ang halos isang taong pag-asam na mababago ang damdamin niya o kahit man lang ang pakikitungo niya sa akin.

Nagdesisyon akong makipaghiwalay na sa kanya.

I should learn to love and live for myself.

Wala akong ibang libangan kundi ang makipag-chat kay Shalani. She's working kaya madalas na weekend lang kami nagkikita. Kung minsan ay hindi pa. 

At sa mga panahon na ako lang mag-isa ay nasa bahay lang ako.

Kasalukuyan akong nasa balcony ng aming silid at nagdidilig ng alaga kong mga halaman ng biglang tumunog ang aking cellphone.

Kinuha ko iyon sa ibabaw ng mesa at tinignan.

“I'll be back next week. We will talk.”

Text mula kay Gavri. 

Muli kong nilapag ang cellphone at nagpatuloy na sa pagdidilig na parang wala akong natanggap na text.

I'm sure, gusto niya akong makausap dahil kay Daphne.

Naalala ko ang mga pagkakataon na nagkikita kami. Wala man lang kahit na anong conversation na namamagitan sa amin dahil sex lang ang ginagawa namin. At paggising ko ay wala na siya. 

Kapag magsesend ako sa kanya ng message ay hindi din niya nire-reply-an. Para pala akong tanga sa pagsasama namin.

Ano ba ang nagawa ni Gavri para sa akin?

Bukod sa sex na inaamin kong nagugustuhan at kinababaliwan ko ay wala na. Totoo, haplos pa lang niya ay bumibigay na ako. 

Ako, ano na ba ang nagawa ko para sa kanya? 

I guess sex lang din maliban sa mga messages na pinapadala ko araw-araw na hindi naman nga natutugunan.

Ang sinserong pagmamahal na nararamdaman ko para sa kanya na binalewala lang din niya.

Ano ang dahilan para ipagpatuloy pa namin ang pagsasamang ito?

Sex? 

Nabibigay na ni Daphne sa kanya yon.

Ako naman ay pwede ko rin makuha sa iba.

Ngayon ko higit na napatunayan na wala na talagang saysay na ipagpatuloy pa ang pagsasama namin. 

Huminga ako ng malalim at nilapag ang pandilig na hawak ko. Kinuha ko ang cellphone sa lamesa at pumasok sa kwarto.

Naglinis ako ng katawan at nagbihis tsaka dumiretso sa garahe bitbit ang aking bag at nag-drive papunta sa isang law firm.

Pagdating ko sa law firm ay mabilis lang at hawak ko na ang draft ng divorce agreement.

Kinausap pa ako ng abogadong si Lawrence Hughes para siguraduhin ang desisyon ko.

“I'm sure,” sabi ko sa kanya.

“Okay. Ipa-finalize ko na ito. Hintayin mo lang at madadala mo na pauwi. Make sure na mapapirma mo ang asawa mo para maging mas mabilis ang proseso.”

“Thank you,” tugon ko. 

Nang matapos ay umuwi na ako.

Sa kwarto ay nilagay ko sa ibabaw ng night table ang divorce agreement. Bukod sa kwarto ay wala naman ng pinupuntahan si Gavri na bahagi ng bahay na to. 

Nagpalit ako ng damit at nagpunta sa kusina upang magluto.

I want to celebrate. 

Pasta, steak at wine.

Perfect! 

Hindi ko namalayan ang paglipas ng mga araw.

Akalain mo at tatlong araw na lang at saktong isang buwan na ng umalis si Gavri.

Nilibang ko ang sarili ko sa paghahanap ng malilipatan.

Nagsimula na rin akong ligpitin ang mga gamit ko.

Habang nakaharap sa closet ay gusto kong matawa.

Ang dami kong damit. Iba't-ibang klase. Binili iyon lahat ni Lola Neria para sa akin. Ang sabi niya ay si Gavri ang namili ng mga iyon.

Noong una ay naniwala ako.  Ang isip ko ay sobrang busy lang ni Gavri sa trabaho kaya pinadaan na lang kay Lola Neria ang lahat.

Pero sa paglipas ng mga araw lalo na ngayon, narealize kong hindi iyon totoo.

Humugot ako ng maleta at isa-isang nilagay ang mga damit na ako ang bumili at dala ko ng lumipat ako dito. Yun lang ang dadalhin ko sa aking pag-alis para walang masabi si Gavri at ang pamilya niya.

Ang mga alahas ay iniwan ko din. Kung gusto ko ng clean break sa pagitan namin, kailangan ay wala akong madala na kahit na anong bagay na makakapagpaalala sa akin sa kanya.

Ilang saglit lang at natapos na ako. Isang maleta para sa lahat ng mga gamit ko.

Ang mga halaman ko sa balcony ay naipadala ko na sa apartment ni Shalani. Nagtataka siya pero hindi na nagtanong.

Nilagay ko sa isang sulok ang maletang naglalaman ng mga gamit ko at tsaka ako naglakad papunta sa kama at naupo. 

Nalingunan ko ang kopya ng divorce agreement na nasa night table pa rin. Alam ko na ang nilalaman non at napirmahan ko na din kaya hindi ko na iyon pinansin.

Huminga ako ng malalim at tumingin sa orasan sa cellphone ko na nasa tabi ko lang din.

Nagulat na lang ako ng biglang tumunog iyon at nakita ko ang pangalan ni Lola Neria.

“Quinn?”

“Lola Neria,” sabi ko sa mahinang tinig.

“Are you busy?” tanong niya.

“Hindi naman. Bakit po?”

“Gavri called. Hindi ka raw nagreply sa text niya noong nakaraan,” sagot ng matanda.

“Naging busy po ako nitong mga nakaraang araw at late ko ng nabasa.”

“May problema ba, hija?”

Gusto kong sabihin sa kanya na matagal ng meron. Simula pa lang ng maging mag-asawa kami ni Gavri ay problema na agad.

“Wala naman po. Naging busy lang talaga. Hayaan nyo po at magtetext ako sa kanya mamaya.”

“Mabuti naman kung ganon,” tugon niya. “Anyway, sabihin ko na rin sayo. Ilang araw na lang at first year wedding anniversary nyo na. May hinandang surprise si Gavri para sayo kaya make sure na available ka.”

Natigilan ako sa sinabi niya.

Surprise?

Anong surprise?

Surprise pa bang matatawag yon ngayon?

Ang sabi ni Gavri bago umalis ay mag-uusap kami.

“Quinn, nandyan ka pa ba?”

“Yes po, Lola. Nandito lang naman po ako sa bahay. Kung anuman po ang surprise ni Gavri he can just come home.”

Yun na lang ang sinabi ko.

Ayaw ko ng umasa pa ng kahit na ano mula kay Gavri.

Sa nakalipas na araw ay patuloy ang pagpapadala sa akin ng unknown number na yon ng larawan ni Gavri na kasama si Daphne.

Sinuman sa kanilang dalawa ang nagpapadala sa akin non ay wala na rin akong pakialam.

Hindi na rin nagtagal ang pag-uusap namin ni Lola Neria at na-end na rin ang call.

Napahinga ako ng malalim.

Surprise ba kamo?

Gavri, ako ang may surprise sayo pagdating mo.

Muli kong nilingon ang divorce agreement na naghihintay sa kanya.