Nang makapasok ako sa bahay ay naabutan ko sila sa kusina at patapos ng kumain. Dumiretso ako sa aking mga magulang para magmano bago pumunta sa tabi ni Kenken.
"Oh iha, ba't kakauwi mo lang? Hindi ka na namin nahintay kasi gutom na ang anak mo." Nag aalalang tanong sa akin ng aking ina."Overtime, ma. Kailangan eh." Sabi ko sabay baling sa aking anak. Agad kumurba ang aking labi ng makitang gulay ang nasa ibabaw ng kanyang plato. Kahit sa murang edad niya ay alam niya ng mas masustansya kainin ang mga gulay. Hindi siya mapili pagdating sa mga pagkain."Galing naman ng baby ko. Kaya mo na ba kumain mag isa?" Lambing ko sa kanya. Tumango lang siya at kumuha ulit ng maliit na parte ng pritong kalabasa at sinawsaw sa ketchup bago sinubo.Mayabang siyang humarap sa akin at nag akto pa na busog habang hinihimas himas ang kanyang tiyan. I understood the assignment. Alam kong nais niya na purihin ko siya. Bilang ina ay pumalakpak ako ng malakas at sinabing, "Wow! Very good, anak. Good boy talaga. Kain ka pa."Nagsimula na rin akong sumandok ng kanin at ulam. Habang kumakain ay nag tanong tanong ang aking magulang tungkol sa aking nakuhang trabaho. Sinagot ko naman ito. Hindi ko alam kung dapat ko bang ipaalam sa kanila ang tungkol sa pagkikitang muli namin ng ama ni Kenken. Siguro ay palilipasin ko na muna.Matapos kumain ay nagtanong si Kenken gamit ang kanyang maliit na boses. "Ma, bakit po ikaw ginabi?"Nakita ko ang takas na ketchup sa gilid ng kanyang labi kaya't kumuha ako ng tissue sa gitna ng mesa upang punasan ang kanyang labi. Pinanggigilan ko pa ang kanyang pisngi. "Cute cute talaga ng baby ko.""Aray! 'wag mama," sabay himas ng kanyang pisngi. Natawa naman ako sa reklamo niya."Madami kasing kailangan tapusin ang mama eh. Kaya gabi na naka uwi. Bakit nagtatampo ba ang baby ko?""Ay naku! Hinihintay ka niyan kanina. Gusto kasing mamasyal sa sentro." Lumipat ang tingin ko sa aking ina na siyang nagsalita."Huh, bakit anong meron?" Di ko mapigilang magtaka. Hindi naman kasi mahilig mag-ayang mamasyal si Kenken. Kaya nakakapanibago ang ganong eksena. Madalas lamang siyang tahimik at nag oobserba sa kanyang paligid. Ako 'yung nag aaya sa kanya na mamasyal para naman makapag libot siya."Ano bang meron sa sentro?" Ulit kong tanong na may kasamang pag kunot ng noo. "Tapos na ang event doon di'ba?""Bumawi ka na lang Ayu sa iyong anak para hindi magtampo ang bata. Alam mo na, minsan lang yan magtampo pero malala naman." Naiiling at natatawa niyang sabi. Pagkatapos ay tumayo na ang aking magulang at nagligpit ng aming pinagkainan. Tumayo na rin ako at tinulungan makababa ang aking anak mula sa kanyang upuan."Ako na ang huhugas ngayon at mukhang kailangan niyo na magpahinga." Tumango ako sa aking ina. Hawak hawak ko si Kenken papunta sa aming kwarto. Pagkarating ay pinaupo ko muna siya sa kama at kinausap."Sabihin mo nga kay mama, bakit naghihintay ang baby ko sa akin kanina?" Sa mababang boses at malambing na tono ay nagtanong ako. Tumitig muna siya akin. Ramdam kong nag aalangan siya kung dapat niya pa bang sabihin sa akin o hindi na. Kaya naman kung ano ano pa sinabi ko para lamang mapilit siya na sumagot."Gusto kong.." tumigil pa siya sandali at binaba ang tingin. Sa kanyang utal utal na salita ay sinabi niyang ang mga nakakalaro niya raw ay nag kwento na dinadala sa sentro. At ngayon gusto niya rin 'yun maranasan. Sabagay, hindi ko pa siya nadadala doon. Mula nang maipanganak ko siya ay dito lamang siya sa loob ng bahay palagi. Kung lalabas man ay hanggang plaza lamang ng aming barangay. Kahit dalawang taon na siya ay hindi ko pa rin gusto na isama siya sa sentro sapagkat masyadong delikado."Anak, gusto mo ba talaga mapuntahan ang sentro?" Hinimas ko ang kanyang ulo at hinalikan ang kanyang noo. Tumango naman siya habang 'di inaangat ang tingin sa akin."Look at me baby. Bakit 'di ikaw tumitingin kay mama?" Gamit ang aking hintuturo ay inangat ko ang kanyang baba upang mapatingin sa akin. Tumama sa aking mga mata ang kanyang kulay tsokolateng mata. Kaparehong kapareho sa mata ng kanyang ama.Umiling lamang siya at binuka ang bibig. "Maganda po ba doon, ma?""Hmm," nag isip isip ako. "Madaming tao doon anak, masyadong magulo."Kita ko ang pagkadismaya sa kanyang mukha. Siguro ay napakiramdaman niyang hindi ako papayag kaya naman masigla akong pumalakpak at ngumiti ng malawak bago pa siya magtampo."Pero anak, pwede naman siguro tayo mamasyal sa mall. Nasa sentro din iyon. Gusto mo ba? Babawi si mama sayo. Sa Sunday gusto mo ba?"Ang kaninang malumbay niyang ekspresyon ay biglang nabuhayan."Gusto ko po ma!""Sige, anak. Toothbrush na tayo?" Tumango naman siya at siya na mismo ang bumaba ng kanyang sarili mula sa kama. Mahahalata sa kanyang galaw na energetic siya dahil sa pagka excite. Nauna na siyang pumunta sa aming CR kaya't sumunod naman agad ako.Marunong na siyang mag toothbrush mag isa. Ngunit kinakailangan niya pa rin ang assistance ko.Nang matapos ay tumambay muna kami sa sofa at nanood ng sineskwela. Mas gusto niya tong panoorin kaysa sa mga cartoons. Kaya naman natutuwa talaga ako sa kanya."Apple""Red""Leaves""Green""Heaven""Sky"Napapangiti ako habang pinapanood ang aking anak na sumasagot sa tanong ng mga sineskwela characters. Kapag namamali siya ay tinatama ko agad. Well, hindi na 'to bago sa akin. 'Nung una ay nagulat pa ako na sumasagot sagot rin siya. Hindi ko inaakala na maiintindihan niya na ang kanyang pinapanood. Ang akala ko kasi mga visual lang pinapanood niya. Turns out, kaya niya na palang intindihin ang mga sinasabi sa sineskwela kaya nahiligan nya na ang sumagot."Galing talaga! Hug mo nga si mama." Niyakap ko siya ng mahigpit kaya't napayakap naman siya sa akin. Nang matapos sa yakapan ay naisipan kong mag snack."Water gusto mo?" Alok ko sa kanya. "Sige po, ma. Isang baso lang." Hindi ko mapigilang matawa ng malakas. The last time na nanood kami ay pinilit ko siyang ubusin ang dalawang baso ng tubig."Cracker? Chocolate?" Tanong ko kahit 'di pa humuhupa ang tawa ko."Huwag po ikaw tumawa." Pasigaw niyang sabi sa maliit na boses."Ay, ang cute mo naman sumigaw. Para kang pusa na inagawan ng ulam." Pang aasar ko ngunit imbis na maasar siya ay sinabayan niya pa ako sa pagtawa. Buti ay hindi siya mabilis mapikon. 'Yung ibang bata na nakakalaro niya ay mabilis mapikon kapag inaasar. Kaya hindi maiwasan ang may iyakan at awayan every time na naglalaro sila."Anak ano nga gusto mo, cracker o chocolate?""Banana na lang po, ma.""Ayaw mo ba kumain ng sweets kahit ngayon lang? Promise hindi magagalit ang mama." Pang aalok ko sa kanya. Hindi naman siya mahilig sa mga sweets pero bumibili pa rin ako paminsan minsan ng crackers at chocolates."Sabi mo po unhealthy 'yun." Takang tanong niya sa akin."Sabi ko nga." Matapos ay pumunta ako sa kusina at kumuha ng isang basong tubig pati na rin ang kanyang kakainin na saging. Kumuha na rin ako ng aking snack na cracker at chocolate. Hmp! Kung ayaw niya edi ako na lang kakain. Pagbalik ko ay umayos siya ng pagkakaupo at siya na mismo ang kumuha ng saging at baso sa aking kamay.Makalipas pa ang ilang oras ay biglang nakatulog ang aking anak sa sofa. Pagtingin ko sa orasan ay malapit ng mag 9:00 o'clock. Pinatay ko na ang TV at binuhat siya para maihiga sa kama.Bago ako matulog ay tumunog ang aking cellphone tanda na may dumating na mensahe. Kinuha ko ito at binuksan para lamang mabasa ang nakakagulat na mensahe."Good evening, Ayumi. This is your me, your boss. I will fetch you tomorrow so you don't have to commute. I will wait where I dropped you off."Holy crap!Kinabukasan ay tinotoo nga niya ang pagsundo sa akin. 6:30 am nang mag abang ako ng jeep sa labasan. Kalapit ito ng bakery na kung saan 'dun ako binaba ng ihatid niya ako kahapon. At nagulat na lamang ako ng makitang muli ang isang black porsche. Nandoon na pala siya at kanina pa naghihintay. Patay malisya akong tumayo sa pwesto. Kunwari ay 'di ko siya nakikita. Diretso lamang ang aking tingin sa daan. Narinig ko ang pagbukas at pagsara ng pinto ng isang sasakyan na marahil ay pag aari niya. Ngunit hindi ko mapigilang bumaling sa kanya. Nakita ko itong naglakad papalapit sa akin. "Good morning," bati niya ng makalapit na sa akin. Pansin ko ang pag tingin tingin ng mga bumibili ng tinapay sa banda namin pati na ang mga nakatambay na malapit sa aming pwesto. Napapikit ako ng mariin ng may marealize ako. Kaagad ko siyang hinawakan sa palapulsuhan. Wala na akong choice kundi ang hilahin siya papunta sa kanyang kotse para lamang makaiwas sa mga chismosang tao. Baka mamaya niyan maririni
"As I've told you, I will make things up to you." Sa kalagitnaan ng kanyang pagmamaneho ay sa wakas nagbukas siya ng topic. "This… is one of my ways." Tukoy niya sa pagsundo sa akin. "I know it's your first time." Mabilis siyang sumulyap sa akin pagkatapos niyang sabihin ang mga katagang 'yun. Nagtataka akong napatingin sa kanya. First time na ano? Nang pumasok sa aking utak kung ano ang ibig niyang ipahiwatig sa katagang iyon ay namula ang aking pisngi sa hiya. First time to experience s*x. Sana naman 'wag niya ng sinasabi ang mga ganyang klaseng bagay."It must have hurt you. And I know you treasure your virginity." Pagpapatuloy niya. Hindi ako makapagsalita sapagkat hindi ko rin alam ang aking sasabihin. Muli siyang nagsalita. Ang mga mata ay tutok sa aming dinadaanan ngunit nahuhuli ko siyang paminsan minsang pag sulyap sa aking gawi. "In just one night, I took away your treasure. So, please, allow me to help you as my compensation. I'm responsible for the mistake I made.""Pag
"Ayumi, tapos ka na ba maglinis sa buong 10th floor?" Pagpasok ko sa janitor's room ay iyon agad ang bungad sa akin ng aming head. Tulak-tulak ko ang lalagyan ng mga pang linis.Inangat ko ang aking tingin sa kanya at nagsalita, "Kakatapos ko lang po, ma'am."Tumango-tango naman siya bago tumingin sa akin at sa dala kong mga pang linis. "Bawasan mo ang mga 'yan." Turo niya dito. "Kakailanganin mo lang ang pang linis sa sahig at bintana. Ikaw ang naatasan na maglinis sa office ni Mr. D." Pagkatapos ay tumalikod na siya at naglakad paalis. Agad naman akong naalarma at hinabol siya."Teka lang po, ma'am." Hinawakan ko ang kanyang braso upang mapigilan siya sa paglalakad. "Bakit naman po ako ang maglilinis eh hindi ba may naka assign 'dun na iba?" Nang humarap ito ay tumingin pa siya sa kamay kong nakahawak sa braso niya kaya't dali dali ko naman itong tinanggal. Nang tinaas niya ang kanyang tingin sa aking mukha ay blanko lamang ito. "Ah sinusuway mo ba si Mr. D? Sino ka ba sa akala m
"Alam ko pong sa'yo to pero…" Hindi ko alam kung anong idudugtong ko. Gusto kong itanong sa kanya kung bakit pinatawag niya ako para mag linis kung gayong hindi naman pala siya umalis ng opisina. Napakamot ako sa aking batok at nahihiyang ngumiti sa kanya. "Ano..""Yes? Do you have something to say to me?" Tumaas ang kanyang dalawang kilay. "Uh oo, gusto ko sanang sabihin na babalik na lang ako mamaya.""No, you can clean now." Sabat niya at kinuha ang kanyang MacBook. Binuksan niya ito, mukhang may gawain pa siya dito ah. Kumunot ang aking noo sa kanyang sinabi."Mr. D, babalik na lang po ako mamaya para makapag focus ka sa trabaho mo. Besides, hindi naman tama na maglinis ako habang nandito ka diba?" Peke akong tumawa upang mawala ang tensyon na pumapaligid sa amin. Ang kaninang malawak na espasyo ay biglang naging masikip para sa akin ngayong nandito siya. Hindi ko maintindihan kung bakit pabago bago ang aking pakiramdam sa tuwing kasama ko siya. Minsan nalilimutan kong boss ko s
Natapos ang araw ng wala ako sa aking sarili. Maka-ilang beses pa akong nagkamali kanina habang naglilinis sa buong floor. Kahit pilit kong libangin ang aking sarili ay talagang bumabalik sa aking alaala ang naging halikan namin. Pumikit ako ng mariin at hinayaan ang aking katawan na makapag pahinga. "Ma… sama kuya Lucas?" kasabay ng tanong ni Kenken ay ang paghila niya ng mahina sa aking damit para maagaw ang aking atensyon. Linggo ngayon kaya sinadya namin agahan ang gising para makapag simba kami ng alas singko.Bumaling ang aking ulo sa kaliwang tabi kung saan nakaupo ang aking anak. Kanina niya pa ako kinukulit pero dahil nagsusuot ako ng sapatos ay hindi ko muna siya pinansin. Besides, hindi rin ako sigurado kung makakasama nga si Lucas sa aming pag simba. Nang maayos ko na ang sintas ay humarap ako sa full body mirror para matingnan ang aking ayos. Suot-suot ko ang isang puting blouse na pinares ko sa isang black fitted skirt na abot hanggang tuhod. Hindi naman kahabaan an
AYUMI HILARYNapabalikwas agad ako mula sa pagkakahiga ng makitang hindi pamilyar ang paligid. Malamig, malinis at maaliwalas. Hindi kagaya ng lagi kong nabubungaran kapag ako'y nagigising. Mahahalata na ako'y nasa isang hotel ngayon dahil na rin sa mga gamit na aking nakikita pati na ang disenyo nito. Munting kaluskos ang umabot sa aking pandinig dahilan para mapatingin ako sa aking kaliwa. Tumambad sa mga mata ko ang likod ng isang lalaki habang nakadapa sa kama at natutulog. I don't know him. Wala itong suot pantaas at may nakabalot na kumot sa kanyang ibabang bahagi. Bigla kong nahugot ang aking hininga ng magrehistro sa aking isip ang sitwasyon ko ngayon. Bukod sa suot na polo na hindi ko naman pag aari ay wala na akong ibang suot pang loob. Marahil ay polo ito ng lalaki. Wala akong matandaan na sinuot ko ang polong ito bago makatulog ngunit naaalala ko ang lahat ng nangyari sa amin kagabi. Biglang uminit ang aking pisngi sa kahihiyan ng mga pinagsasabi at pinaggagawa ko kaga
"AYUMI HILARY SERRA!" Dumagundong sa apat na sulok ng police station ang boses ni Papa dahil sa pagtawag sa aking pangalan. Napapikit naman ako sa hiya at kaba. Pinag titinginan na din ako ng iba pang mga tao at pulis dito sa loob ng istasyon. "Pa! Ma! Umuwi na tayo" pilit kong hinihila ang aking mga magulang palayo sa mga pulis. Kasalukuyan kaming nasa police station sapagkat 'di ko na naabutan ang aking mga magulang sa bahay. Talagang tinotoo nila ang pag report sa pulis huh! At dahil sa pagmamadali ay hindi na ako nakapag palit pa ng damit. Suot suot ko pa rin ang dress kaya lalo kong naagaw ang mata ng mga tao. "Saan ka ba kasi galing, yumi? Hindi ba'y kabilin bilinan ko sa'yo na bago mag hatinggabi ay umuwi ka na? Oh, asan ang mga kaibigan mo?" Tukoy niya sa aking mga kaibigan na si Cheska at Leighton. Sila ang inaasahan ng aking mga magulang na maghahatid sa akin kagabi ngunit anong ginawa ko? Sumama ako sa lalaking estranghero. Worst of all, we both do that thing. Cheska is m
"Buntis ako! At ikaw ang ama ng dinadala ko."Kasabay ng pagbuka ng aking mga labi ay ang malakas na busina ng ambulansya. Mabilis ang takbo ng ambulansya ngunit malakas ang busina nito na kahit malayo na ay maririnig mo pa rin. Nang mapadako ang aking paningin sa mga mata ng lalaking nasa harap ko, nakita ko ang kuryusidad dito. What? Don't tell me hindi niya narinig ang sinabi ko? Napabuntong hininga na lamang ako. "Can you repeat what you're saying?" Ay bwisit! Sabi na eh di niya narinig. Huminga ako ng malalim habang 'di hinihiwalay ang aming eye contact. "Sabi ko, bunti- ""Dion! You're here lang pala. Let's go home?" Naputol ang aking sasabihin sa biglaang pagsabat ng isang babae. Lumapit ito at kumapit sa braso ng lalaki bago bumaling sa akin. Napaatras ako. Her presence intimidated the sh*t out of me. She looks sophisticated and elegant. Lumilitaw ang kanyang maputing balat sa suot na isang vintage long sleeve, black dress. Sa mabagal na paraan, bumaba ang kanyang tingi