Kabanata 53

Tumabingi ang leeg ko nang tumama ang malakas na suntok sa bibig ko. Muntik pa akong mawalan ng balanse. Pero imbes na magalit ako dahil sa ginawa ng pinsan ko na umaapoy ang mga mata sa galit, ngumiti pa ako. Para nga kasi akong nanaginip kanina, bati na raw kasi kami ni Gwin. Sa sobrang tuwa ko nga nagnakaw pa ako ng halik.

"Ang sakit," nakangiti kong sabi habang hawak ang labi kong pumutok na naman, saka ko naman hinarap ang pinsan kong nagtagis ang bagang.

"Gago ka! Anong ginagawa mo sa kwarto ni Gwin?" pabulong ngunit nanggagalaiti niyang tanong. Duro niya pa ako.

Mapang-asar akong tumawa. "Ano ba sa tingin mo?" kagat ko pa ang pang-ibaba kong labi matapos sagutin ang tanong niya.

"Tarantado ka—"

Akmang susugurin na naman niya ako pero kaagad akong umatras. Napasandal ako sa pinto ng Kwarto ni Gwin.

Nagtaas ako ng dalawang kamay. "Hindi ako lalaban, Pinsan." Halos pabulong kong sabi. Hindi ako makikipag-away dahil alam kong magagalit na naman si Gwin.

"Patrick, Pinsan, ayoko ko n