Chapter Fifty Two

"BULLSHiT!" hindi na nagawa pang ituloy ni Bianca ang pagbabasa ng report ng sabihin ng inutusan niyang imbestigador na alamin ang lahat tungkol kay Jillian Cordova Toledo. Bigla kasing nayanig ang kanyang mundo nang sabihin nitong nagpapagamot sa isang urologist si Mark Wayne Toledo. Kung may diperensya kasi ang pagkalalaki nito, paano ito magkakaanak?

Ang agad na pumasok sa isip niya'y hindi ito ang tunay na ama ng anak ni Jillian at ayon sa imbestigador niya, si Lance lang ang naging boyfriend ng babaeng iyon. Ngayon niya naintindihan ang dahilan kung bakit may kaba siyang naramdaman nang makita niya ang mga ito sa Kingdom of Fun. Si Lance pala talaga ang tunay na ama ng batang iyon. 

Para tuloy gusto niyang hagilapin si Mark Wayne Toledo para tanungin kung totoo nga bang anak ni Lance and anak ng babaeng iyon kaya lang naisip niyang hindi naman niya ma