Chapter Seventy One 

HINDI talaga matahimik si Franco hangga’t hindi nakakausap si Lance. Kailangan nitong malaman ang katotohanan. Wala na siyang pakialam kung masaktan man siya ng kanyang bestfriend. 

Ng dating best friend, pagtatama rin niya sa kanyang sarili. Sa tagal ng di nila pagkikita at sa laki ng kasalanang nagawa niya kina Lance at Jillian, duda siya kung magagawa pa siyang ituring ni Lance na kaibigan. Gayunman, kailangan niyang itama ang nagawa niyang itama ang pagkakamali. Sabihin mang huli na ang lahat, may karapatan pa rin si Lance sa anak nito. 

Ngunit, papayag ba ang mister ni Jillian na maging bahagi si Lance ng buhay nito?

"Lance…" tili niya nang makita itong pababa ng taxi. Kumunot lang ang noo niya nang maisip niyang bakit kailangan nitong mag-taxi gayung mayroon na naman itong sariling sasakyan. 

Ang mukha nitong kanina ay punung-puno ng pag-aalala ay bigla na lang sumama ang tabas. Kahit na kinabahan siya dahil sa galit na n