Chapter Ten: Klyde is the man in Sana's dreams

DALA nang labis na pagod dahil sa maghapong paghahanap ng trabaho ay maagang natulog si Sana. Pagkadikit na pagkadikit ng kanyang likuran sa malambot na higaan ay kaagad siyang nakatulog. Kailangan niyang magpahinga nang maaos dahil bukas ay balak na niyang kausapin si Klyde upang sabihin sa lalaki na payag na siyang maging tagapag-alaga ng mga anak nito.

Napag-isip-isip kasi ni Sana na wala namang masama kung tatanggapin niya ang trabaho. Malapit sa kanya ang mga anak nito kaya alam niyang hindi siya mahihirapan sa trabahong iyon. Isa pa, iyon na lang ang trabahong puwede niyang pagpilian dahil lahat ng inapplyan niya ay walang gustong tumanggap sa kanya.

Bago siya tuluyang magpatalo sa antok ay inisip muna niya ang mga magulang. Matatanda na ang mga ito para maghanap-buhay kaya sa pagkakataong iyon, susundin na niya ang gusto ng mga ito na tanggapin ang alok ni Klyde. Naaawa na kasi siya sa mga ito lalo na sa kanyang ama na napipilitang mamasukan bilang clerk sa post office ng bayan