Chapter 37

“Hindi naman sa pinagbabawalan ko kayong dalawa sa kung anong nararamdaman niyo sa isa’t-isa. Gusto ko lang malaman kung talagang seryoso ba kayo sa nararamdaman niyo? Kasi mahirap kung pumasok kayo sa isang relasyon na hindi pa pala kayo handa.”

Nakayuko lang ako habang nakikinig sa sermon ni Mama, habang si Troy ay diretsong nakatingin sa kaniya, halatang hindi natatakot sa posibleng sabihin o gawin sa kaniya ng Nanay ko.

“Seryoso po ako sa anak niyo, seryoso po ako kay Louise.” aniya.

Tumahimik ang paligid ng ilang minuto. Nang mag-angat ako nang tingin ay nakita kong nakatingin silang dalawa sa akin. Napahawak tuloy ako sa dibdib ko.

“Bakit kayo nakatingin sa akin? May nagawa ba akong mali?” I asked.

Narinig kong bumuntong hininga si Mama at nauubusan ng pasensiyang tumingin sa akin.

“Tinatanong kita kung seryoso ka ba sa nararamdaman mo?”

Nakagat