Chapter 7 - Home

Bagsak ang balikat ng bumaba si Feona mula sa sinakyang traysikel. "Salamat Manong." wika ni Feona sabay abot sa pamasahe sa driver ng traysikel. Tuwang tuwa naman si Aling Josie nang mapagsino ang lulan ng humintong traysikel sa tapat ng kanilang rehas- rehas na gate. Agad na binitiwan ang dala dalang plangganita. "Feona, anak." Tawag ni Aling Josie sa kanya. Agad siyang sinunggaban ng yakap ng makapasok na si Feona sa bakuran. Tipid lang na nangiti si Feona at niyakap din si Aling Jossie ng mahigpit. "Bert, Bert. Andito na si Feona." Sigaw ni Aling Jossie na mapapansin talaga ang kagalakan sa boses. "Diretso tayo sa hapag at may minatamis ako na saging doon at nang makapameryenda ka. Teka, nakapagpananghalian ka naba? Si Aling Jossie. " Tapos na po, bago pa po ako sumakay ng bus kanina kumain na po ako. Hindi na po ako dumaan kila Tiya Anet para gamitin ang aking sasakyang iniwan doon. Napagod ako sa byahe, baka kako makatulog ako habang nagmamaneho. Nagbus nalang po ako. Meryenda na