Chapter 25

"Sir, excuse po," sabi ng waiter bago dumaan sa harapan ni Zander, bitbit ang tray na may lamang mga pagkain.

Agad itong napansin ni Zander. "Ay kuya sorry," wika ni Zander at pinadaan ang waiter sa kanyang harapan.

Matapos ay kakawayan na sana ni Zander ang kanyang kasintahan at lalapitan. Abot tenga na ang ngiti nito habang naglalakad. Ngunit laking gulat nito sa kanyang nakita. Ibang tao pala ang tinatawag ni Dennise, tila hindi s'ya na pansin ng kanyang kasintahan. Marahil ay natakpan s'ya ng waiter at ng lalaking nasa kanyang harapan.

Iyon 'yung lalaking may magarang motor? Bakit ganoon, bakit pakiramdam ko iba ang mga tingin ni Dennise sa kanya? Napaka saya naman n'yang makita ang lalaking 'to? May pagsalubong pa?

Patuloy lang si Zander sa pagtanaw sa dalawa habang papunta na sila sa kanilang lamesa. Hindi alintana ni Zander ang mga taong nasa palagid. Tanging kay Dennise at sa lalake lang n'ya itinuon ang kanyang atensyon. Hindi maipaliwanag ng binata ang matinding selos na kan