Chapter 65

Lumipas ang magdamag at nakalabas na rin si Anica sa ospital. Mula ng gabing ‘yon ay hindi pa muling nagpapakita si Baron sa magkakaibigan. Nag-aalala man sina Ella ay hindi naman ito sumasagot sa kanyang mga tawag.

“Hindi ba pumasok si Baron kanina?” tanong ni Ella kay Zander.

“Hindi nga e, hinahanap nga rin s’ya ni Mr. Villanueva. Sabi ni kuya Junel nagka-emergency daw kaya ilang araw s’yang hindi makakapasok,” tugon ni Zander. “Panay nga rin ang kamusta ko sa kanya pero hindi s’ya nagre-reply.”

“Ganoon ba,” wika ni Ella, bakas sa mukha ng dalaga ang pag-aalala para sa kaibigan. “E ikaw kamusta, hindi ka ba nahirapan? Puyat at siguradong pagod ka, sinamahan mo kasi kami magdamag sa ospital tapos diretso pasok sa trabaho kaninang umaga. Tapos heto kasama ka pa namin hanggang pag-uwi,” nag-aalalang tanong ni Ella.

“Ako pa ba? Wala sa akin ‘to, wala naman akong gaanong deadline at advance ang mga reports ko kaya hindi ako nahirapan kanina,” nakangiting sabi ni Zander. “Miss Tan si—-.”