Chapter 22

Nagising ako sa nagtatawag sa labas ng bahay namin. Ang antok pa at humakhakay ako habang naglalakad palabas ng kwarto. Nasa school pa rin sina Inez at Ryco. Anong oras na ba? Wala pa yata sa isang oras ang tulog ko pero nagising na agad ako. Nakakainis. Sino ba 'tong tawag ng tawag na 'to? Wala naman akong inorder sa shopee ah. Binuksan ko na ang pinto at nagtungo sa gate. Nakasumbrero ang lalaki, nakaface mask at may dalang box ng cake.

"Ano po 'yun?" Tanong ko. Ang gulo pa ng buhok ko. Sakit ng ulo ko.

"Delivery po para sa inyo." Sabi ng lalaki. Parang familiar ang boses niya. Napakunot ang noo ko.

"Wala naman akong inoorder ah." Sagot ko at inalis niya ang takip ng cake at may nakasulat dito.

Happy 1st Monthsary baby :3

Muli akong napatingin sa lalaki. Nakaalis na siya ng face mask at sumbrero. Nagulat ako nang makita ko kung sino siya. Agad akong yumakap sa kanya. Muntikan pang matilapon ang cake.

"James! Sabi ko na eh. Pano ka nakarating dito? Akala ko ba may klase ka?" Wi