Chapter 44 Ang Bonding nina Liam at Yvette

PAKIRAMDAM ni Yvette ito ang pinakamasarap na tulog na kanyang naranasan. Nang imulat niya kasing muli ang kanyang mga mata ay kita niya si Liam na nakatunghay sa kanya.

"Kanina ka pa gising?" Nahihiya niyang tanong dito.

Sa halip na sagutin siya nito, bahagyang tawa ang pinawalan nito.

"Bakit hindi mo ako ginising?" Tanong niya rito. Sa tono niya ay gusto na niya itong sisihin sa kahihiyang naramdaman niya.

"Alam ko naman kasing masyado kitang napagod," anitong nanunudyo pa rin.

"Shucks," bulalas na naman niya. Paano ba naman kasi, pumasok na naman sa utak niya ang mga nangyari sa kanila. Hindi lang sa dagat kundi sa bawat sulok ng Isla na iyon. Huli na nga nilang bininyagan ang kama kaya nang mapagod na sila ay natulog na sila ng tuloy tuloy.

Iyon nga lang, kahit na gising na siya ay hindi pa rin nawawaglit sa kanyang isipan ang bawat eksenang nangyari sa kanila. Para na iyong tag price na nakatatak sa kanyang isipan.

"Anong gusto mong breakfast?" Malambing nitong tanong sa k