Chapter 7

Nag-init ang mukha niya ng maalala niya na magkatabi sila natulog kagabi ni Spade. Bumangon na siya dahil naririnig niya ang tawa ng kambal sa labas ng kuwarto. Nakita niyang masayang nakikipaglaro si Spade sa kambal pero kailangan niya na paalisin si Spade.

"Makakaalis kana." Napatingin sa kanya si Spade, sinalubong niya ang tingin nito.

"Sinabi ko na sa iyo na hindi ako aalis dito," wika ni Spade.

"Kung ayaw mo umalis kami ang aalis ng mga anak ko!" naiinis niyang sabi. Ang aga aga nagagalit na siya. Bakit ba ang hirap itaboy ni Spade?

"Huwag mo ng subukan dahil susundan ko pa rin kayo. Kahit saan kayo pumunta mahahanap ko pa rin kayo."

"Hindi mo pa ba nakukuha ang mana mo kaya ginagawa mo ang lahat? Hindi pa ba sapat na nagka-anak ka sa akin? Oo nga pala para makuha mo ang kayamanan ng lolo mo kailangan mo magpakasal sa akin. Spade, kahit anong gawin mo hindi na ko babalik sa iyo. Sinayang mo ang pagkakataon na binigay ko sa iyo dati." Pinipigilan niyang umiyak sa harapan nito. Ipapakita niyang hindi kawalan sa buhay niya si Spade pero nasasaktan pa rin ang puso niya.

"Tama ang mga sinabi mo pero mahal talaga kita. Wala na ko pakialam sa mana hindi ko kailangan ang kayamanan. Ikaw ang kailangan ko sa buhay ko. Batid kong hindi ka maniniwala sa sinasabi ko dahil galit ka sa akin pero sana bigyan mo ako ng pangalawang pagkakataon nagmamakaawa ako sa iyo," malungkot nitong wika.

Nararamdaman niya ang lungkot at bigat na nararamdaman ni Spade subalit mahirap na magtiwala. Hindi dapat siya magpadala sa mga sinasabi nito dahil noong una nga nagawa nito magsinungaling. Maaaring ulitin nito ang ginawa kaya tama lang na hindi niya ito bigyan ng second chance.

"Alam mo naman pala na hindi ako maniniwala pero bakit pinagpipilitan mo pa ang sarili mo?" tanong niya.

"Dahil mahal kita," seryosong nitong saad.

"Spade! hindi ko kailangan ang pagmamahal mo," galit niyang sabi. Binuksan niya ang pinto dahil gusto niya na itong palabasin. "Ano pa ang hinihintay mo? Lumabas kana!"

"Summer, please. Huwag mo naman ako paalisin," nagmamakaawa nitong sabi. Nagulat siya nang lumuhod si Spade sa harapan niya at umiiyak ito. Hindi niya alam kung ano ang mararamdaman naghalo ang inis at awa sa puso niya.

"Tumayo ka diyan, Spade!" utos niya pero hindi pa rin tumatayo ito.

"Sum, mabuti nakabukas ang pinto hindi na ko kakatok." Sa gulat niya naisara niya ang pinto. Ang aga naman pumunta ni Shane, akala niya mamaya pa ito pupunta.

"Shane, sandali lang," sabi niya.

Bumaling siya kay Spade na nakaluhod pa rin, pinaningkitan niya ito ng mata. Pilit niyang pinapatayo si Spade subalit ayaw pa rin nito kumilos.

"Tatayo ako kung papayag kang manatili ako dito," nakangising wika ni Spade. Kung kanina nakakaramdam pa siya ng awa ngayon hindi na dahil ngumisi ito. Batid kasi nito na may ibang tao at ayaw niyang makita ni Shane na nakaluhod si Spade.

"Ayoko!" masungit niyang sabi.

"Hindi rin ako tatayo," saad ni Spade.

"Iniinis mo ba ako, Spade?"

"Hindi," maikli nitong sagot.

Naiinis na siya dahil nagtatanong na ang kaibigan niya kung maaari ng pumasok. Twenty minutes na ang lumipas pero nagmamatigas pa rin si Spade, ayaw pa rin nito tumayo.

"Sum.." sambit nito sa pangalan niya.

"Oo na!" sa sobrang inis niya pumayag na lang siya. "Dahil gusto mo dito manatili ikaw ang maglalaba, magluluto at lahat ng gawaing bahay ikaw ang gagawa!"

"Ano? Sum, huwag naman ganyan."

"May reklamo ka? Umuwi ka sa inyo kung ayaw mong utusan kita dito!" gigil niyang wika.

Batid niyang hindi kayang gawin ni Spade ang mga sinabi niya. Sana umuwi na ito para wala na siyang problema dahil sumasakit ang ulo niya kay Spade.

"Gagawin ko lahat ng gusto mo. Kahit mahirapan ako titiisin ko," seryosong sabi ni Spade.

"Okay! Magsimula kana ngayon maglinis," naiinis niyang wika.

Pagbukas niya ng pinto, nagulat si Shane dahil nakita nito si Spade na nakaluhod. Akala niya tumayo na ito, maraming tanong sa kanya si Shane subalit wala siyang sinagot kahit isa. Kukunin sana nito ang naiwan na paninda, sinabi niyang pinasuot niya kay Spade dahil walang dalang damit ito. Binayaran niya na lang at umuwi na si Shane.