Chapter 3

SAGA

KAHIT kumikirot sa sakit ang mga sugat ko sa palad, nagpunta pa rin ako sa grocery store para mamili ng mga gagamitin sa ihahanda kong mga pagkain para kay Marlon.

Bukas ang 4th anniversary ng feelings ko para sa kaniya. Tandang-tanda ko pa noong unang beses na magkita kami.

It was love at first sight. Graduation day ko noon at dumalo sila ng kaniyang pamilya sa aming celebration. Noon pa lang, alam kong si Marlon na ang magiging kabiyak ng aking puso.

Kaya nang magdesisyon ang mga ama namin na ipakasal kami, hindi na ako tumutol pa. Tuwang-tuwa pa nga ako at pinagmamalaki ko siya sa lahat ng mga kaibigan ko.

"You need to get over him, Saga. Pinapaasa mo lang ang sarili mo," malungkot akong ngumiti sa narinig na sinabi ni Mina sa kabilang linya. 

"Best friend kita, `di ba? Dapat sinusuportahan mo ako, hindi dini-discourage."

"Mahal kita kaya ayaw kong masaktan ka. I'm doing this to open your eyes! Hindi ang asawa mo ang tipo ng lalaki na mag-i-stay sa isang babae! Just let him go!"

"Bakit ba atat na atat kang hiwalayan ko si Marlon? For the nth time, I won't let him go. I can never unlove my husband—"

Natigilan ako sa pagsasalita nang matanaw ang dalawang tao sa may kalayuan. Kalalabas ko lang ng grocery store at naghihintay na lang ng masasakyang taxi pauwi. 

Parang dinudurog ang puso ko habang pinapanood na makipaghalikan ang asawa ko sa ibang babae. Nasa tabi sila ng kotse ni Marlon pero hindi magawang pumasok kahit nakabukas na ang pintuan dahil sa ginagawa.

Marahang humahaplos at pumipisil ang mga kamay ng asawa ko sa mahubog na katawan ng babae. Bigay todo naman ang babae sa halikan nila. Wala silang pakialam kahit pinagtitinginan na sila ng mga tao sa paligid.

Hindi ko na nakayanan pa ang eksena at dali-dali akong sumakay ng taxing pumara sa harap ko. Nag-unahan sa pagpatak ang mga luha ko nang sandaling makapasok ako ng sasakyan.

Ramdam ko ang sakit sa puso ko. Parang isang matalim na punyal ang nakatarak dito. Why, Marlon? Why can't you love me?

Umiiyak pa rin ako nang makauwi ng mansion. Wala akong magawa kundi umiyak dahil ito lang naman ang alam kong gawin. Hindi ko naman siya kayang komprontahin dahil natatakot din ako sa kaniya.

Ang totoo niyan, ilang beses na niya akong inalok ng divorce, pero nagmatigas ako. He said he's a womanizer and he's not willing to change for me. Sino ba raw ako sa kaniya? Pero naniniwala kasi ako na darating din ang araw na mamahalin ako ni Marlon, kaso dalawang taon na kaming kasal, wala pa ring nangyayari.

Sa tuwing nagtatalik nga kami, lagi siyang may suot na condom dahil ayaw niya akong mabuntis. Ayaw niyang lalong matali sa akin kaya ayaw niyang magkaanak kami.

Sumapit ang gabi, malapit nang mag-alas-nuebe pero wala pa rin si Marlon. Kanina ko pa siya tinatawagan, kaso hindi niya sinasagot ang mga tawag ko.

Siguradong kung sino-sinong babae na naman ang kasama niya ngayon. Nagpapakasasa sa kama habang ako, heto, durog na durog ang puso at naghihintay sa kaniya.

Sa sobrang inis ay tumayo ako at lumapit sa cabinet. Pumili ako ng maisusuot saka tinawagan ang kaibigan kong si Jeffrey.

"Jelly hindi Jeffrey! Kaloka ka talaga!" Umikot ang mga mata ni Jeffrey na may mapipilantik na mga pilik-mata.

"Ang saya dito, Jeff! Ngayon lang ako nakapunta sa ganitong lugar! Whoo!" sumigaw ako bago sumimsim ng alak sa hawak kong glass.

Nasa isang sikat na club kami sa Manila, ang Black Liquid Club na exclusive lang sa mga artista at mayayaman na tao sa lipunan. Mabuti na lang, VIP ang kaibigan kong si Jeffrey rito kaya pinapasok ako.

"Ang tagal na kitang niyayayang mag-clubbing, ngayon ka lang pumayag kung kailan kasal ka na!" Sumayaw-sayaw si Jeffrey. Nasa gitna kami ng dance floor.

Malakas ang tugtog sa loob, maingay at mausok. Sumasayaw ang iba't ibang kulay sa paligid. May mga babae ring nagsasayaw sa ibabaw ng stage kasama ng DJ.

"I want to have fun!" sagot ko sa pasigaw na paraan.

Sandaling natigilan si Jeffrey at napatingin sa akin. "Let me guess, it's about Marlon again? Your asshole husband?"

"Oo!" Natawa ako bago lalong nagwala sa gitna.

Lumaki akong mahiyain at masunuring anak sa mga magulang. Ni minsan, hindi ako uminom ng alak, hindi ako tumakas sa gabi para mag-party, at hindi rin ako nakikipag-date.

Pero ibang klaseng sakit ang nararamdaman ko ngayon. Just this once, I want to forget the pain. I want to forget Marlon.

"Alam mo bang madalas dito ang womanizer mong asawa?"

"What?" Napatigil ako sa pagsasayaw.

"Halos gabi-gabing nandito ang asawa mo! Kung sino-sinong babae ang kasama!"

Tuluyan akong nanlumo sa mga sinabi niya. "Why didn't you tell me!"

"Gaga! Sinabi ko sa iyo dati na may affair ang asawa mo, naniwala ka ba? Hindi, di ba?"

Naalala ko bigla ang nangyari isang taon na ang nakalilipas. Si Jeffrey ang nagsabi sa akin na pinagtataksilan ako ni Marlon, hindi ako naniwala. Pero kinabukasan, nahuli ko siyang may ka-sex sa opisina niya.

Tuluyan akong nawalan ng gana at bumalik sa VIP table namin. Nilagok ko ang natitirang inumin sa glass ko.

"Magdahan-dahan ka naman, girl! Baka mainom mo pati baso!"

Matagal akong natulala sa kawalan habang malalim ang iniisip. Maya-maya ay ginala ko ang paningin ko sa paligid.

"Ang sabi mo, gabi-gabi rito ang asawa ko?"

"Halos gabi-gabi!"

"Nandito kaya siya ngayon?"

Nagkibit ng balikat si Jeffrey. "Wala siguro! Didn't see him anywhere. Madali naman mapansin kapag nandito iyon, pinaiikutan kasi ng mga babae!"

Dahil sa sinabi niyang iyon, agad akong kinutuban. Nagmamadali akong umuwi sa bahay. Ganoon na lang ang pagkatigil ko nang makita si Marlon sa labas ng gate, nakasandal sa pinto ng kotse niya at parang may hinihintay.

"Marlon!" Agad akong umibis ng taxi at nagmamadaling lumapit sa kaniya. "A-akala ko, hindi ka uuwi—"

"Where the hell have you been!"

Galit niya akong nilapitan. Napangiwi ako nang maramdaman ang mahigpit niyang paghawak sa braso ko.

"M-Marlon, nasasaktan ako... "

"Answer me, woman! Saan ka nanggaling!"

"S-sa labas."

"Sinong kasama mo? Mga lalaki mo?"

Biglang nagsalubong ang mga kilay ko sa narinig. Ibubuka ko sana ang bibig ko para magsalita, nang bigla niya akong hilahin papasok sa gate. Halos kaladkarin na niya ako sa dahas nang pagkakahila niya sa akin.

"You bitch! Kaninong lalaki ka na naman nakipagkita? Sabihin mo!"

"Ugh!"

Malakas akong d*****g nang bigla niya akong itulak nang makapasok kami sa mansion. Nawalan ako ng balanse kaya sumadsad ako sa sahig.

Napaluha ako sa sakit na naramdaman ko dulot ng pagkakabagsak. "Ano na naman bang nagawa ko sa iyo?"

"Huwag mo akong idaan sa pag-iyak-iyak mo, Saga! Naiirita ako!"

"Marlon, wala akong ginagawang masama. I was only having fun with my friend."

"Friend? O baka lalaki mo? Masyado kang pahinhin, pero nasa loob naman ang kulo! Someone saw you with a man at the BLC! May asawa kang tao, nakikipagharutan ka pa sa ibang lalaki!"

Hindi ako makapaniwala sa mga naririnig mula sa kaniya. Parang may maliliit na karayom ang paulit-ulit na tumutusok sa puso ko.

"It was Jelly! My best friend from high school! Kahit tawagan mo pa siya! Wala akong ibang kasama kundi siya lang!"

Sandali siyang natahimik sa mga narinig. Ang kaninang naglalagablab na mga mata sa galit, biglang napalitan ng panlalamig.

Nginisian niya ako. "You think I'd believe you? Alam ko naman talaga na makati kang babae. Ewan ko ba kung paano mo nagawang itago nang dalawang taon ang kalandian mo. Bitch!"