Chapter 29

Kashmiere's POV

Pumasok ako sa kwarto ni Bella, pasado alas dos na nang madaling araw dahil nanggaling pa akong opisina. Pagkatapos kasi nang trial kanina ay dumiretso ako sa firm dahil may kinuha akong papeles doon. Nauna na siyang umuwi dahil kailangan niyang magpahinga and I know that she's exhausted from the case.

Inilapag ko ang aking suit case sa kaniyang tokador. Naglakad ako patungo sa kaniyang kama habang niluluwagan ang aking kurbata ngunit kumunot ang noo ko nang makitang wala siya sa higaan. Namulsa ako nang mamataan ko siya sa kaniyang veranda, nakatayo at yakap ang sarili habang tinatanaw ang buong harap ng mansyon nila.

Malamig ang hangin na sumalubong sa aking mukha, marahil ay hindi pa niya ako napapansin kaya niyakap ko siya mula sa kaniyang likuran.