Kabanata 2

AIA'S POV

Lahat na yata ng babaeng madaraanan namin dito sa loob ng restaurant ay napapasunod ng tingin sa kasama kong lalaki. Kanda-haba na ang leeg ng mga kababaihang ito kakahabol ng tingin sa boss ko na todo alalay naman sa akin papunta sa table na uukupahan namin.

Sa mga ganitong pagkakataon ay hindi naman talaga si Dark ang klase ng tao na mahilig makiulayaw sa ibang tao. Siya yung tipo ng lalaking aakalain mong suplado.

Oo marami na siyang babaeng naka s*x! Pero, lahat ng 'yon ay hindi naman talaga s'ya ang nagfi-first moved. Hindi ka n'ya papansinin kapag hindi mo rin s'ya pinansin! 'Yan ang attitude ng lalaking kaharap ko ngayon na abala na sa pagpili ng kakainin n'ya sa menu book na hawak niya.

"May naorder ka na ba?" baling n'ya sa 'kin sa malambing na tinig.

“Kumain na ako kanina. Umorder ka na lang ng sayo, wag mo na 'kong intindihin.”

Ngumiti na lang ako sa kaniya para ipakitang ayos lang ako.

“Umorder ka na kahit dessert lang. Ayoko namang kumain ng nakatanga ka lang sa harapan ko.” abot niya sa' kin ng menu book.

Sa 9 years na pagiging secretary ko sa kan'ya, kabisado ko na ang ugali n'ya. Alam kong kapag inutos niya ay kailangan kong sundin.

Napaka bossy!

Sabagay, sya nga naman ang boss ko...

Sa halip na magmatigas ay umorder na lang ako ng dessert gaya ng sinabi nya. S'ya naman ang magbabayad, eh!

Nang dumating ang order namin ay sinimulan na n'yang kumain. Hindi ko naman maiwasang na hindi siya pagmasdan habang kumakain.

Gwapo naman talaga kasi itong boss ko… Kaya hindi nakapagtataka kung ang mga kababaihan na mismo ang kusang nag-aalok ng kanilang sarili sa kaniya. Bukod sa gwapo, matikas din ang kaniyang pangangatawan. Bakas sa suot nitong suit ang mga kalamnan niyang humahapit sa kaniyang kasuotan.

“Malulusaw na yang ice-cream mo.” nakataas ang isang sulok ng labi niyang puna sa akin nang mahuli akong nakatitig sa kan'ya.

Agad nag-init ang pisngi ko kung kaya mabilis kong ibinaling ang atensyon sa ice-cream na hawak ko at sinimulang sumubo ng malaki.

"Pinagnanasahan mo din pala ako ng palihim, huh?”

Nasamid ako sa sinabi niya.

Parang sasabog ang ulo ko sa mga pinagsasabi niya!

Kapal talaga!

Mabilis kong hinablot ang table napkin at pinunasan ang bibig ko saka s'ya tinaasan ng isa kong kilay.

“Asa ka!” tumaas naman ang gilid ng labi niya pati na ang isang kilay na para bang hindi naniniwala sa sinasabi ko.

“Ayaw pang umamin. Hindi naman kita masisi kung pati ikaw ma-attract sa 'kin. Kasalanan ko bang maging gwapo?” bigla naman nagtayuan ang balahibo ko sa katawan sa sobrang taas ng self confidence ng kaharap ko.

Oo, gwapo naman talaga s'ya pero hindi n'ya ba alam ang salitang 'be humble?'

“Kilabutan ka nga sa pinagsasabi mo d'yan, Sir!” nairita ko kong sagot.

Tumawa naman siya na mas lalo niyang ikinagwapo. Pero kahit gaano pa s'ya kagwapo ay hinding-hindi ako mahuhulog sa mokong nato! Ayokong magaya sa mga babaeng pinarausan n'ya lang at iniwan din pagkatapos.

Wala sa bukabularyo ng kagaya niya ang salitang settlement. Sa dami ng babaeng natikman n'ya, wala pa akong nakitang sineryoso n'ya. Ni wala pa nga s'yang ipinapakilalang girlfriend n'ya...

Ang lakas nga ng loob n'yang asarin ako na no boyfriend since birth. Eh, sya nga rin — no girlfriend since birth, pero di na virgin.

“Bilisan mo na nga lang kumain d'yan sir Dark. May meeting ka pa ng 2 PM kay Mr. Gonzales.” sa halip ay pag-iiba ko na lang ng usapan.

Ilang sandali lang ay natapos na rin siyang kumain at bumalik na rin kami sa opisina.

“Alam mo, kung di lang tayo close — iisipin kong may relasyon kayo ni Sir Dark.” ani Brenda na isa ring office staff nitong kumpanya.

Kasalukuyan kaming nasa pantry area — nagco-coffee break.

2:30 PM na. Nakaalis na ang aking boss at umattend ng meeting sa ibang lugar. May mga pagkakataon na hindi n'ya ako sinasama dahil kaya na daw n'yang mag-isa. Mas pabor nman 'yon sa akin dahil pagwala s'ya ay nakakapag-relax ako dahil walang nag-uutos. Kapag nariyan kasi ang amo ko ay halos sa office na n'ya ako tumira dahil hindi na siya nawalan ng ipagagawa sa akin.

"Kung ano-anong naiisip mo, Brenda!” suway ko sa kaniya.

"Asus! Hindi ka man lang ba na fo-fall kay Sir Dark, huh? Halos araw-araw kayong magkasama and iba ang treatment n'ya sayo kumpara sa amin na lagi s'yang nakasinghal. Dami kayang naiinggit sayo kasi close kayo ni Sir.” nakangisi niyang tudyo sa 'kin.

“Ano bang pinag sasabi mo? Alam mo, hinding-hindi ako ma-iinlove sa palikero. Sisirain ko lang ang buhay ko. Kami ni Sir ay parang magkaibigan lang. Mabait naman kasi si Sir, eh! Ayaw n'ya lang talaga sa mga abusadong tao at mapagsamantala.” paliwanag ko.

Titig na titig naman sa akin si Brenda na tila inaaral ang mga sinasabi ko. Halatang hindi siya kumbinsido.

“29 ka na... Wala ka bang balak mag-boyfriend na?” pag-iiba niya sa usapan.

Haist! Heto na naman sila.. Lahat na lang sila pinoproblema ang edad ko. Ano bang masama sa edad ko? Eh, sa hindi ko pa nakikita ang Mr. Right ko! Bakit ba masyado silang na pe-pressured sa kaalamang 29 na ako? Nakakairita!

“Alam mo Brenda, sahalip na problemahin mo ang love life ko, bumalik na tayo sa gawain natin at tapusin mo na yung ginagawa mo, dahil kailangan ko na yan maipasa kay Sir bukas na bukas.” tumayo na ako at iniwan na s'ya sa pantry.

Walang katuturan ang magpaliwanag ng magpaliwanag sa kanila kung bat hanggang ngayon ay wala pa akong jowa.

Bumalik na ako sa aking cubicle at ginawa ang aking trabaho. 5 PM na nang makabalik ang boss ko. Dumaan siya sa table ko at naglapag ng paper bag ng J******e sa lamesa ko saka nag tuloy na sa kaniyang opisina.

Binuksan ko naman ang paper bag at agad akong napangiti ng malawak nang makitang iyon ang favorite kong fries at coke float. Hindi n'ya talaga nakakalimutan na pasalubungan ako sa tuwing babalik s'ya galing sa meeting sa labas.

Nag-text na lang ako ng 'Thank you' sa kaniya bilang pasasalamat. Agad naman siyang sumagot ng: 'You're welcome.'