Kabanata 22 : His Desperation Pt. 3

"I know you want this too, Pixie. I know you miss me," saad n'ya. Bago pa man n'ya muling idikit ang labi n'ya sa akin ay tumama na ang palad ko sa pisngi n'ya. Mag-asawang sampal ang ibinigay ko sa kanya para ramdam n'ya talaga ang galit ko.

Ang kapal ng mukha n'yang halikan ako!

Kung dati ay kinikilig ako sa tuwing hinahalikan n'ya ako noong kami pa, ngayon ay parang babaliktad ang sikmura ko sa pandidiri sa kanya. Iniisip ko palang na galing sa bibig n'ya ang labi ng ate ko ay kinikilabutan na ako.

"Hayop ka! Huwag na huwag ka na ulit lalapit sa akin!" galit na galit kong sigaw bago tumakbo papalayo sa kanya.

Takbo lang ako nang takbo hanggang sa matagpuan ko ang sarili ko na nasa labas na ng University. Wala pa ring tigil sa pagbagsak ang mga luha ko hanggang sa makasakay ako ng taxi at makauwi ng bahay.

Mabuti na lang hindi ko naabutan si Pennie. Ayokong makita n'ya akong umiiyak dahil siguradong pagtatawanan n'ya lang ako. Ganun s'ya ka-impakta. Pati kabiguan ko ay celebr