Chapter 8 - Lying

Savannah

Nagtungo ako sa kwarto kung saan ang itinuro ni Avin sa akin na p'wede akong mag-stay overnight. Nang makapasok ako ay pinagmasdan ko ang kabuoan nito. Maayos naman ang kwarto at mukhang hindi nakakatakot dito matulog. Wala naman sigurong multo rito.

Nanayo ang mga nalahibo ko sa isipin na may multo nga dito.

Naglakad na ako papalapit sa kama, hila-hila ko ang maleta ko.

Nagitla ako nang may matamaan ang paa ko. Halos mapatalon naman ako sa takot ng makita ko na tao ito na nakahiga. Ang ulo niya ay nasa ilalim ng kama at ang kalahati ng katawan niya ay nakalabas. Pero teka, tao ba talaga ito o baka naman multo.

Sinasabi ko na nga ba, hindi magandang ideya na matulog dito overnight. Nakahanda na akong tumalikod at tumakbo dahil sa takot ngunit napahinto ako at nanigas nang bigla siyang nagsalita.

"Help me please," may pagmamakaawa na sabi niya. Lakas loob at dahan-dahan ko naman siyang sinilip sa ilalim ng kama. Nakita ko na matandang lalaki ito at humihingi siya ng tulong.