Chapter 29

Pinilit kong huwag umiyak pero bigo ako. Nagising na lamang ako sa mugtong mga mata.

"Wala yata ang sundo mo," mapang-asar na puna ni Vivian nang makita niya akong pasakay sa aking kotse.

"He is not my driver para sunduin niya ako at ihatid. He has his job too."

Tama nang malungkot ako. Ayokong madagdagan pa iyon ng pagkainis dahil sa babaeng ito.

"Tama ka naman, hindi mo siya driver. Boyfriend mo na siya 'di ba?" 

Tanging kay tatay ko lamang ipinaalam na nobyo ko na si Mateo kaya sigurado akong nagtanong siya dito.

Ang pag-aaway namin kagabi ay isang malinaw na rason para maghiwalay kami.

Hindi ko na siya nobyo.

Nilagpasan ko si Vivian. Wala akong planong sagutin ang tanong niya sa personal kong buhay.

Sumaglit ako sa opisina. I attended several meetings in the morning. Sa hapon naman ay bumisita ako sa Hacienda Miraflor.

Mano-manong tinitingnan ng mga tauhan ang naaning cacao kung mayroon ba itong depekto b