Chapter 35

"Ma'am nasa ibaba na po si Sir Mateo."

Ang katok ng isa sa mga katulong namin sa bahay ang nagpabilis ng kilos ko. Simpleng kolorete lamang sa mukha ang aking inilagay sapat na upang bumagay sa suot kong kulay asul na bestida, ang paboritong kulay ni nanay.

Wala si tatay at Vivian sa bahay kaya panatag akong walang lalapit na babae kay Mateo habang hinihintay ako sa salas. Subalit sinadya ko talaga ang magmadali dahil matagal na rin akong hindi nakakadalaw sa puntod ni nanay.

Isang matamis na halik sa aking pisngi ang iginawad ni Mateo nang bumaba ako. Bitbit niya sa kaliwang kamay ang bulaklak na ipinabili ko kay Kuya Joel kaninang umaga. Ang kabilang kamay niya naman ay nakahawak sa aking baywang.

Dumiretso kami sa sementeryo. 

Pinagawaan ko nang maliit na bahay ang puntod ni nanay kung kaya't walang problema kung abutin man kami ng ulan at mataas na sikat ng araw doon.

Nagpahanda na rin ako ng pagkain sa kusinera namin upang hindi na