Chapter 11

Sixto's POV

"Bilisan n'yo! Kanina ko pa kayo pinagmamadali, ah?! Ang babagal naman!"

Kalalabas ko lang ng office ni Don Isidro nang madatnan ko sa malawak na sala sina Inay, nagmamadali ang mga ito.

"Inay, saan kayo pupunta?"

"Ah! Wala kang pakialam!"

Kinabahan ako nang maisip na aalis na ang mga ito. Agad kong nilapitan si Rosi na kabababa lang ng hagdan. Nakabihis din siya ng dilaw na bestida at naka-clip ang gilid ng buhok.

"Rosi, saan kayo pupunta? Aalis kayo?"

"Gustong mamasyal ni Inay. Family day ngayon."

Natigilan ako sa narinig. Muli kong nilingon sina Inay na handa nang umalis.

"Puwede ba akong sumama?"

Nilingon ako ni Rosi sa tanong ko. Hindi siya sumagot at wala rin reaksyon sa mukha niya. Nakatingin lang ito sa akin.

"Hindi ka puwedeng sumama! Nakita mo na ba iyang pagmumukha mo? Nakakahiya! Hindi puwedeng i-display iyang mukhang ganyan!"

"Inay, puwede naman ho ako magsuot ng cap o hoodie. Itatago ko ho ang mukha ko."

"Hindi puwede!" Galit ako nitong pinamaywangan. "Dito k