Chapter 15

Sixto's POV

MAAGA akong gumising para makapaghanda ng agahan. Hindi ko pa maiwasan ang mapapito habang abalang nagpiprito ng ulam. Nang matapos, iniwan ko lang sa dining ang mga pagkain at hinintay na lang na magising sina inay.

Naglinis na rin ako ng buong bahay nang mapansing maaga pa para pumasok sa trabaho. Kasalukuyan akong naglalampaso nang makababa ng hagdan sina Inay at Gio.

"Magandang umaga! Inay, hindi ho ba umuwi si Itay kagabi? Gusto ko sana kasi siyang makausap."

"Aba, malay ko! Baka nandoon na naman sa pasugalan ang lalaking iyon!" inis na sagot ni Inay habang nagkakamot ng ulo. Dumiretso ito sa dining.

Naalala kong mahilig nga palang magsugal si Itay. Kaya ito nabaon sa utang kay Don Isidro dahil sa kakasugal nito.

"Nakaluto na nga pala ako, inay. Paborito n'yo po ang niluto ko, adobong hipon."

Tumayo ako matapos kong maglampaso. Si Gio naman ay nakatayo lang sa gilid ng hagdan at nakasunod ang tingin sa akin. Papasok na sana ako sa kusina nang mapansin kong ginagaya ni