Chapter 2

Inihatid ako ni Mom and Dad sa hospital kung saan nagtatrabaho ang bestfriend kong si Mark. Pagdating namin ay agad na rin akong bumaba ng sasakyan. 

"Sige po Mommy, Daddy, dito na lang po ako sa labas ng hospital para hindi niyo na kailangan magpark sa loob." 

"Oh siya Iha, ikamusta mo na lang kami kay Doc. Mark." tugon ni Dad.

“Sabihin mo na rin sa kanya na dumalaw din naman minsan sa bahay para makamusta namin siya ng personal." request naman ni Mommy. 

"Sige po sasabihin ko po sa kaniya. Pwede na po kayong maunang umuwi," pagpapaalam ko at tuluyan na silang umalis habang ako naman ay pumasok na sa lobby ng ospital. Agad ko din siyang nakita sa Lobby kaya hindi na ako nagdalawang isip na lapitan siya. 

"Kamusta naman ang mga pasyente ng kaibigan kong Doctor. Humihinga pa ba lahat?" pang-aasar ko sa kanya. 

"For your information lang, ako ang Chief Resident Doctor ng Ospital na ‘to kaya syempre magaling ‘to," pagyayabang nyang tugon sa akin. 

"Kamusta ang bride to be?" dagdag nya pang tanong sa akin. 

"Oh ito, wedding invitation ko." Tinapik ko sa dibdib niya ang invitation card. 

"Teka, ikaw ba sigurado ka na sa lalaking pakakasalan mo? Alam ko bata pa lang crush mo na si Adrian pero wala ka bang nararamdamang pagdududa sa kanya?" Biglang naging seryoso ang tanong niya. 

Kilala ni Mark si Adrian pero hindi tulad ko malayo ang loob nila sa isat-isa simula noong kabataan namin. 

"Huwag ka mag-alala bestie, magiging okay ang lahat sa aming dalawa ni Adrian. Sigurado ako na siya ang lalaking gusto kong makasama." Panatag kong sinabi sa kanya. 

"Kung yan talaga decision mo wala naman akong magagawa kaya bilang bestfriend mo susuportahan kita sa lahat. At ang gusto ko lang din naman para sa ‘yo ay ‘yong magiging maligaya ka," pag-comfort naman niya akin. 

"Thank you Bestie."

"By the Way, Off duty na ako baka gusto mo munang magdinner kasama ko? Sympre treat ko." Walang alinlangan niyang pagyaya.

"Maybe next time siguro bestie, medyo late na rin kasi kaya kailangan ko na rin mauna," agad kong pagtanggi sa invitation niya. 

Biglang nagproseso sa utak ko ang sinabi sa akin ni Mark. Kaya naisip ko rin na puntahan si Adrian sa bar ni Jess. Alam kong do’n lang siya madalas maglagi kaya do’n na rin ako agad didiretso. 

"Sige mag-iingat ka na lang at gabi na at hindi na rin kita maihahatid dahil hindi ko dala ‘yong sasakyan ko." Lumabas ako ng lobby para tumawag ng taxi sa labas. Upang magpahatid ako sa Bar ni Jess.

Adrian's POV

"So ano pare sure ka ba talaga na itutuloy mo ‘to? Alalahanin mo panghabangbuhay na karma ‘yan sa 'yo kapag nalaman ni Sophia ang totoo," pagpapaliwanag sa akin ni Jess. 

"Mahal ko naman si Sophia kaya nga hindi ko masabi sa kanya ang totoo dahil ayokong masaktan siya lalo pa na ikakasal na kami," naguguluhan kong pagpapaliwanag kay Jess habang nakatingin sa baso ng alak na hawak ko.

Habang seryoso kami ni Jess na nag-uusap, may isang pamilyar na boses ang narinig ko na pumasok sa loob ng bar. 

"Bakit hindi mo na lang sabihin sa kanya ang totoo at para matapos na rin tayo sa kalokohang to?" Si Chloe pala. 

"Kung nandito ka ibig sabihin nareceive mo ‘yong inutos ko sa ‘yo sa opisina kanina." Hindi ako nagtaka na dumating siya dahil inabisuhan ko na rin siya kanina sa opisina bago kami umalis ni Sophia. 

"Kanina pa ako nakasunod sa inyo sa simbahan pa lang," saad niya sa amin.

Pamilyar ang outfit na suot niya. Siya pala yung babaeng nakaluhod sa dulong upuan kanina. Napansin ko na siya during rehearsal ng entourage. 

"Grabeng disguise ‘yan ah. Ni-hindi ko man lang napansin na ikaw pala ‘yon. Para ka kasing mabait sa itsura ng suot mo." Pang-aasar sa kanya ni JEss na nakainom na rin. "So anong plano mo Adrian? sasabihin mo na ba kay Sophia ang totoo?" pagtatanong sa akin ni Chloe na may halong paghimas sa hita ko. Si Chloe ay Ex-girlfriend ko. Sikreto ang naging relasyon namin dahil sa siya rin ang secretary ko sa company kaya kahit sa Dad at Sophia ay hindi alam ang tunay na naging score sa amin ni Chloe at bukod tanging si Jess lang ang nakakaalam ng lahat. 

"Oh Please, Chloe! hini kita pianpunta dito para sa kung ano lang. Gusto kitang makausap ng personal tungkol sa ating dalawa." paliwanag ko sa kaniya sabay iwas ko ng tingin. "Sige pare do’n muna ako sa taas maiwan ko muna kayo dito dahil parang seryoso ‘yong magiging usapan niyo." Biglang tumayo ni Jess at sabay umalis sa table namin.

"So ano nga ang gusto mong sabihin sa akin?" prangkang tanong niya na agad ko naman sinagot ng diretso. 

"Simula ngayon gusto kong tapusin na natin ang lahat sa ating dalawa. Ikakasal na ako at mabuting hanggang Boss to Secretary na lang ang maging relasyon natin." 

"Ah talaga ba? ‘Yan ba ‘yong totoong gusto mo? Pero sa nakikita ko sa mga mata at labi mo hindi ‘yon ang totoong gusto mo," unti-unti niyang pang-aakit sa akin hanggang sa magkalapit na kami ng mukha. 

"Sabihin mo Adrian. Gusto mo ba talagang itigil natin ‘to?" Agad niya akong hinalikan ng madiin na para bang gusto niyang gumanti din ako ng halik. Gayunpaman tuluyan na kaming nadala pareho sa mga nangyayari dahil sa tama na rin ng alak sa akin.

Sophia's POV

Malapit na ako sa bar ni Jess para sunduin ang fiancee ko. bigla kong naalala yung mga sinabi sa akin ni Mark kanina. Hindi sa nagdududa ako pero kahit papaano ay gusto ko rin masiguro ang lahat sa amin ni Adrian.

Dumating na ako sa Bar at agad na rin akong bumaba ng taxi at nagbayad. Maayos naman akong binati ng Bouncer at pinapasok sa loob dahil kilala ko naman ang may-ari. Medyo madilim sa loob at maingay dahil Happy Hour na rin naman. nakita ko agad si Adrian sa bar side kung nasaan ang bartender. Pero wala ang bestfriend niyang si Jess. Sa halip ay isang pamilyar na babae ang naaninag ko mula sa kinatatayuan ko. Kamukha niya yung babae kanina sa simbahan. Pilit kong inaninag kung sino siya at nakita ko ang isang pamilyar na mukha. ‘Si Chloe? anong ginagawa niya dito at bakit sila magkasama? Imposible naman na trabaho pa rin ang pinag-uusapan nila ng ganitong oras’. Akmang lalapit na ako sa kanila ng bigla kong nakita ang ginawa nila. Nanlaki ang mga mata ko at agad na nakaramdam ng pagkabigla at galit. Ang mahinhin na secretary na si Chloe at ang Fiancee ko, naghahalikan na para bang sila ang magkasintahan.

Para akong pinagsakluban ng langit at lupa sa nakita ko. Sandali akong natigilan at agad ding tumakbo palabas ng Bar at umiiyak. Paglabas ko ay agad akong pumara ng taxi ngunit walang may gustong hintuan ako. Umiiyak akong kumakaway ng taxi hanggang sa napaupo ako sa tabi sa sobrang exhausted ko sa mga nasaksihan ko sa loob. Ilang sandali lang ay may isang lumapit sa akin at nag-abot ng panyo.