Kabanata 6-Lihim na Pagkikita

Naramdaman ni Sophia na wala talagang interes sa kanya si Ethan. Nainis siya sa binatang iyon sapagkat hanggang kailan kaya siya matutunan mahalin nito. Malapit na silang ikasal ni Ethan, pero hanggang ngayon ay hindi pa rin magawang buksan nito ang puso para sa kanya.

"Hindi ako susuko!" bulong ni Sophia habang nakasimangot.

Isang linggo na rin ang lumipas nang makauwi sila ng kaniyang pamilya dito sa Pilipinas galing sa Canada, at sa araw-araw na gigising siya ay ang laging inaatupag niya ay kung paano siya magugustuhan ni Ethan. Nagpapaganda siya at dinadalhan niya si Ethan ng breakfast, lunch, at snacks. At kung may mga female staffs na pupunta kay Ethan upang magdala ng kape at sandwich, ay siya ang kukuha nito upang dalhin kay Ethan.

Wala nang iniisip pa si Sophia na ibang gagawin, kundi ang ginagawa niyang priority ay si Ethan. Kahit hindi pa sila kasal nito, ay parang pinagsisilbihan ni Sophia si Ethan na katulad ng tunay na asawa. Naiinis na sa kanya si Ethan, nahahalata niya ito, pero hindi niya iyon pinapansin. Determinado talaga ang dalaga na mahulog ang loob ni Ethan sa kanya. Na kahit mahirapan pa siya ay balewala lang sa kanya.

"Mahal na mahal ko si Ethan. Ang puso ko ay sa kanya lang. Wala na akong hahanapin pang iba. Ayoko rin na may kahati ako sa pag-ibig ko sa kanya. Magkakaroon talaga ng gera!" sambit ni Sophia na puno ng pambabanta.

Habang naglalakad ito patungong office ni Ethan, ay bumulong-bulong siya. Akala mo meron kausap, wala naman. Nakikita siya ng mga staffs na naglalakad at walang ginawa kundi magsalita. Napagkamalan tuloy siyang baliw.

Agad naman niyang pinuntahan ang mga babaeng staffs upang magsalita ng masakit. Kung kaya't inaway niya iyon. Hindi siya nagpatalo. Alam naman niya na pipitsugin lang ito, kayang-kaya niya itong labanan. Lalo na ay pwede niya lahat ipatanggal iyon sa trabaho, kung sakaling siya na ang mapangasawa ni Ethan.

Sinambunutan niya 'yong isang babaeng mahaba-haba ang buhok. Madali kasing nahila niya ang buhok nito dahil sa nakalugay iyon. Nalaman ni Ethan ang kaguluhan na naganap sa loob ng office. Kung kaya't nagmadali ang binata na puntahan si Sophia upang pigilan. Nagawa naman niyang pigilan ang maldita.

"Bitawan mo ako, Ethan! Nasasaktan ako!" habang hila-hila ni Ethan ang braso ni Sophia. Naramdam niya na mahigpit ang pagkakahawak nito sa kanyang braso. Nagreklamo siya sa binata, ngunit hindi siya nito pinakinggan. Sa halip ay nagpatuloy lang ito na kaladkarin siya papuntang private office nito

"How dare you, Ethan!" sabay sampal sa pisngi nito. Nanlaki ang mga mata ni Ethan sa gulat. Sa inis ng binata ay muntikan niya rin sampalin si Sophia.

"Oh ano? Gagawin mo?! Isusumbong kita kay Tita Victoria na gusto mo akong saktan!" pananakot ni Sophia upang hindi ni Ethan magawang saktan siya. Hindi na kumibo si Ethan. Nagpasya na itong ibaba ang kanan kamay kasabay ng pagtalikod kay Sophia.

Halatang-halata sa mukha ni Ethan ang galit. Sinong hindi magagalit sa pagiging immature ng maldita kanina. Mabilis talaga siyang mapuno. Muntikan niya talagang masaktan si Sophia. Mabuti na lang ay napigilan pa niya ang kanyang sarili na kung hindi ay nakatikim sana si Sophia ng malakas na sampal. Hindi rin si Ethan makapaniwala na sinampal siya ng maldita. Hanggang sa nagpasya na lang siyang lumayo sa dalaga.

"Hoy Ethan! I hate you talaga!" sigaw ni Sophia. Iniwan kasi siya ni Ethan sa office ng mag-isa. Halos padabog-dabog ang kanyang mga paa sa mga oras na ito. Ang kape at sandwich na dala-dala niya kanina ay hindi nakarating pa kay Ethan, sapagkat natapon iyon sa floor nang sumugod siya sa mga staffs. Mabuti rin ay hindi siya pinagtulungan ng tatlong babae kanina. Kung hindi ay natalo siya.

Hanggang sa naisipan ni Sophia na sundan si Ethan kung saan iyon papunta. Magmamasid na naman ang maldita. Wala talagang ginawa si Sophia kundi palaging sundan si Ethan. Nankanguso siya na sumunod-sunod kay Ethan. Hindi naman napapansin ni Ethan ang pagsunod sa kanya ni Sophia. Kahit na sa pagpasok sa loob ng elevator ay hindi ito napansin ni Ethan. Magaling talagang magtago si Sophia. Pinatitinginan na si Sophia ng mga office staffs dito, pero ayos lang sa kanya.

"Ano naman sa kanila," bulong niya habang patago-tago.

Sumakay si Ethan sa kotse nito. Nagmadali rin si Sophia na sumakay sa kanyang kotse. Dahan-dahan niya itong minaneho. Nang bumilis na ang pagmaneho ni Ethan ay ganoon rin siya. Hanggang sa nakita niya na huminto iyon sa harapan ng paaralan. Nagtaka tuloy si Sophia. Kung bakit naroroon si Ethan sa oras ng ganitong hapon. Bigla na lang siyang nanghinala na baka may babae dito si Ethan.

Naka-parking lang ang kotse ni Sophia sa puno na hindi makikita ni Ethan. Alam pa naman nito ang numero ng plaka ng kotse niya. Sa malayo niya lang tinatanaw si Ethan. Naroon lang si Sophia at naghihintay lang sa binata kung ano ang susunod nitong gagawin.

Nakita ni Sophia na pumasok si Ethan sa gate. Ngumiti pa ito sa guard. Nagpasya siyang bumaba sa kotse upang sundan si Ethan sa loob ng paaralan. Ang daming mga batang nadadaanan sa hallway ni Sophia, pero hindi niya inalis sa kanyang mata si Ethan. Habang patuloy siya sa pagtago at pagmamasid, ay napansin ni Sophia na pumasok ito sa classroom. Nainis siya ngayon, pero hindi niya iyon pwedeng puntahan. Alam niyang magagalit na naman sa kanya si Ethan kung mag-skandalo ulit siya.

Hanggang ilan minuto rin ang lumipas ay nakita ni Sophia na may lumabas na guro sa classroom. Kinausap ito ni Ethan habang naglalakad palayo sa room. Napansin ni Sophia na close ito kay Ethan. Hindi pa rin siya nagpakita, sa halip ay sinundan niya iyon.

"Maganda rin siya, pero ano ang relasyon niya sa future Husband ko?!" bulong niya habang nakataas ang mga kilay. Mas lalo pa siyang nag-init sapagkat si Ethan at ang guro ay nakita niya kung gaano kalapit sa isa't isa. Ang mga ngiti at tingin ni Ethan sa babaeng guro ay nakapukaw sa kanyang atensyon. Nanginginig siya sa galit na kaunti na lang ay gustong-gusto niya nang sugurin ang dalawa.

Nabatid niya sa dalawa na may lihim iyon na pagkikita, na nagpasiklab sa kanyang galit sa dibdib. Nakita ni Sophia na sumakay pa 'yon sa kotse ni Ethan. Ang sweet nilang dalawa kung tingnan. Lalo nang nangitgit ang mga ngipin ni Sophia sa sobrang galit.

"Kailangan kong sundan silang dalawa! Bwiset! Mang-aagaw pa ang babaeng 'yon ah!" halos magwala siya sa loob ng kanyang kotse.

Nang umandar na ang kotse ni Ethan ay pinaandar niya rin ang kotse niya. Habang nasa kasagsagan si Sophia ng pagmamaneho ay may tumunog sa cellphone niya.

"Hello? My daughter, where are you now? Nag-aalala na ako sa 'yo, ija!" pag-aalala ng Mommy ni Sophia.

"Mom, I'm here on my car. Pauwi na ako," tugon ni Sophia. Nagsinungaling siya. Ang totoo naman ay sinusubaybayan niya ang kotse ni Ethan kung saan ito papunta. Hanggang sa nawala na lang sa paningin niya. Hindi niya alam kung saan iyon lumiko.

Naiinis talaga siya sa ngayon. Dahil sa hindi niya ito nasundan.

"Bwiset! Kung sabagay, namukhaan ko naman iyong babae!" Nagpasya na lang siyang umuwi. "Humanda ka sa akin, babae ka!" usal pa niyang halos magtiim bagang ang kanyang panga. Ano kaya ang mangyayari sa pagitan nila Ethan, Ava, at Sophia? Ngayon alam na nito na nagkikita pala ang dalawa?