Kabanata 5- Ang pag-ikot ng Mundo

Ava Morales

Habang tumatagal ako sa pagtuturo sa mga bata, mas napapamahal ako sa kanila. May isang buwan na rin ako sa serbisyo bilang isang guro sa elementarya. Hindi ako napanghihinaan ng loob dahil sa mababang sahod sa pagtuturo. Ang pinakaimportante sa akin ay nakapagbahagi ako sa mga batang kailangan mabigyan ng sapat na kaalaman, para balang araw ay matamasa nila ang magandang kinabukasan at hindi sila mananatiling mahirap lang, kundi makaangat rin sila balang araw, at maging maayos ang kanilang buhay pamilya.

Ito lang naman ang simple kong hangarin, na kung bakit mahal na mahal ko ang pagtuturo. Hindi ko habol ang malaking sahod para sa sarili kong kapakanan. Pero kung may opportunity na ma-promote ako, ay kailangan ko itong tanggapin. Sa tingin ko, ang Diyos lang ang nakakabigay sa akin ng kapalaran. Kung maganda ba, o hindi. Kung sa akin lang, ay kuntento na ako sa kung ano meron ako ngayon. Ang regular lang sa trabaho ay sapat na para sa aking pamilya. May mapagkukunan lang ako sa pang-araw-araw na aming gastusin. Wala na akong nanaisin pa na maging mataas sa iba pang guro.

Walang palya ang pagsundo sa akin ni Ethan sa paaralan. Palagi niya akong pinupuntahan upang ihatid sa amin. Buti na lang ay hindi pa nalalaman ng mommy ko at ng mga parents niya ang tungkol sa aming palihim na relasyon. Natatakot ako sa aking nararamdaman na baka magkagusto na lang ako isang araw sa bilyonaryong iyon. Hindi naman siya naging bastos sa akin sa paglipas ng panahon na nagkakasama kami. Nirerespeto niya ako. Kung kaya't para bang unti-unti akong nakakadama sa kanya ng paghanga. Huwag na sanang dumating pa sa point na mahulog ang loob ko sa kan'ya.

Bumuntong hininga ako sapagkat nakadama ako ng bigat sa aking dibdib. Isa pa siya ang lalaking nakahalik sa akin. Minsan kapag may nakikita akong couples na sweet, ay naalala ko 'yong paghalik ni Ethan sa labi ko. Bigla na lang ito napasok sa isip ko. Naguguluhan ako sa aking sarili.

"Nakakainis talaga!" "Ava, tumigil ka sa pagiging assuming mo. Paano siya magkagusto sayo? May kailangan ka lang malaman. Huwag kang iibig sa anak ng mga pumatay sa 'yong ama. Makinig ka?" kausap ko 'yong sarili ko ngayon. Habang mag-isa lang ako sa faculty, ay nagmumuni-muni ako. Hanggang sa lumipas pa ang isang oras, ay nagsimula na ulit akong magturo sa mga bata. Nawawala ang mga alalahanin ko kapag nandito na ako sa trabaho. At kapag tapos na, ay bumabalik na naman ang iniisip ko. Ewan ko ba? Puso ko na ata ang nangingibabaw, hindi na ang galit. Nalilito ako sa ngayon. Magpapatuloy kaya ang paghihiganti ni Ava kay Ethan? O magkakaroon na siya ng damdamin para sa binata?

Ethan Blackwood

Naging busy ako sa kumpanya. Ako na ang pumalit bilang CEO kay Daddy. May katunayan documents na akong pinirmahan. Sinasalin sa akin pangalan ang pagiging CEO at si Daddy ay magpapahinga na sa kumpanya. Ibaba niya na ang pwesto niya at ako ang inilaban niya as CEO. Marami sa aking bumoto. At ang iba naman ay hindi sumang-ayon. Nanalo pa rin ako sa nasabing botohan. Siguradong may mga taong ayaw akong maging CEO sa bansa na ito. May gustong umangkin nito. Hindi ko alam kung sino ang mga taong ito, pero hindi ako natatakot sa kanila. Lalaban ako, sa abot ng akin makakaya. Lalo na ay CEO na talaga ako. Mas manganganib na ang buhay ko at maging pamilya ko.

Naririto ako sa swivel chair at nakataas ang mga paa ko habang nakasandig ang ulo ko. Hindi ako makapaniwala na may isang buwan na kami ni Ava na nagtatago ng aming relasyon. Walang label ang relasyon ko sa kan'ya. Pero bakit sa tuwing nag-iisa ako sa ngayon, ay pumapasok na lang siya bigla sa isipan ko. "Bakit kaya?" bulong ko.

Nawala na lang ako sa sariling kaisipan ng may dumating sa office ko. Nag-iba ang awra ko nang makita ko yung maldita na papalapit sa akin. Si Sophia, na ubod kulit. Palagi itong nakabuntot sa akin. Kahit saan ako magpunta, ay nakasunod ito. Kahit si Alex na kaibigan ko ay pinagseselosan nito. Isip bata pa rin. Kailan siya maging matured? Napakaselosa at maldita. Lahat ng mga galaw ko ay sinusubaybayan niya. Wala siyang ginawa kundi puntahan ako sa office. Daig pa ang imbestigador kung magmasid. Naisip ko tuloy si Ava na kung malaman ni Sophia na kasal kaming dalawa. Siguradong malaking skandalo ang mangyayari.

"Hi Ethan, kamusta ka na? Na-miss kita sobra?... Pwede bang minsan lumabas tayo as your future Fiancee?" tanong nito sa akin. Siya na ang nagyaya sa akin, na lumabas kaming dalawa. Iba talaga itong babae na ito. Walang hiya talaga. Ngumiti lang ako sa kanya. Pinaramdam ko sa kanya kung gaano kalamig ang pakikitungo ko. "No!" tugon ko. Nakita ko siyang sumimangot nang marinig niyang ayaw ko. "Bwiset!" umalis itong mahaba ang nguso. Maganda sana siya, kaso ubod ng sama ng ugali, na hinding-hindi ko magugustuhan.

Lumipas pa ang ilang oras. Nasanay na akong sinusundo sa paaralan si Ava. Ganap ng alas-kwatro ng hapon. Daily routine ko na siyang puntahan. Naiinis na nga siya sa akin kapag pinarada ko yung sasakyan sa tapat ng bahay nila. Natutuwa kasi ako sa kanya kapag inaasar siya. Kapag naramdaman ko ng galit siya, ay tsaka lang ako tumitigil sa panggagalit. Ang totoo ay sumasaya ang araw ko sa tuwing nakikita ko siya at nakakasama. Minsan na nga naitanong sa akin ni Alex na inlove na raw ba ako? At si Ava ba daw ang taong iyon? Hindi ako nakakibo sa tanong niya sa akin. Sinabi ko sa kanya na wala akong damdamin para sa kanya. Hindi siya naniniwala sa akin. Imposibleng ang katulad ni Ava ay hindi ko raw tipong babae. Na kay Ava na nga raw lahat ng qualities na hinahanap ko. Maganda, may paninindigan, matalino, mabait at masipag. Natawa ako kay Alex. Wala siyang alam na matapang si Ava.

"In-love ka na ata Ethan? Kaso may hadlang sa relasyon nyo? Si madam Victoria at si Sophia? Paano pala kung sakaling malaman nila yung tungkol sa sikretong kasal ni Ava?" tanong niya sa akin na nagpatigil sa masayang ngiti ko sa labi. "Oo nga. Kapag dumating sa point na malaman nila, ay paninindigan ko na si Ava," tugon ko. "What do you mean Ethan?" tanong niya ulit. "Ilalabas ko na siya sa public bilang Asawa ko. Alam kong magkakaroon ng skandalo lalo sa pagitan namin nila Sophia at ng mga parents ko. Ipaglalaban ko 'yung relasyon namin." mahabang paliwanag ko sa kanya. Ngumiti siya sa akin. "Kinilig naman ako," Nakita ko 'yong ngiti ng kaibigan ko na lagpas sa kanyang tainga at nagpasya kaming dalawa na uminom sa labas. Wala naman akong ginagawa na. Natapos ko na ang lahat ng documents na naglalaman ng evaluation about sa business. Inihatid ko na rin kanina pa si Ava.

Paano kaya kung malaman ni Sophia na si Ava ang karibal niya sa pag-ibig nito para kay Ethan? Ano kayang susunod na kabanata? Abangan…