CHAPTER 22

LAHI sila ng magaganda at guwapo, iyon kaagad ang naisip ni Amanda pagkakita sa pinsan ni Carina na si Tom. Naghihintay na ito sa kanila sa loob ng isang mamahaling restaurant nang dumating sila. Clean cut ang buhok nito. Plantsadong-plantsado ang suot na polo shirt at pantalong maong. Kulay neon green ang mamahaling rubber shoes nito. At ang bango-bangong tingnan. Mistula itong greek god at waring hinulma ang features at pangangatawan nito. Obvious sa ayos nito na may pagka-vain ito. Hindi nalalayo ang kaguwapuhan nito kay Genis. Hindi niya matiyak kung sino ang mas nakakalamang. Siguro ay pareho lang bagama’t magkaiba ng kaguwapuhan ang dalawa. Si Genis ay morenong-moreno ang kulay, bilugan ang itim na itim na mga mata habang ito naman ay mestisong-mestiso na waring may lahing foreigner.

“Natulala ka ba sa pinsan ko?” Bulong ni Carina sa kanya nang mapansin ang paghanga niya sa lalaki, “Binata pa ‘yan. Patay na patay nga si Wendy dyan. Si Genis at si Tom ang