CHAPTER 23

“OKAY, YOU CAN GO BACK TO WORK now Genis, huwag mo na kaming alalahanin pero pwede bang ipahiram mo na muna sa amin si Amanda maghapon okay?” Malambing na sabi ni Carina kay Genis matapos silang mag-lunch, bahagya pa nitong hinawakan sa braso ang lalaki.

Tiningnan ito ni Genis na puno ng concern sa mukha, “Magdinner tayo mamaya. Hindi ko lang talaga pwedeng ipaubaya sa iba iyong next meeting ko,” anitong kay Carina lang talaga nakatingin, “Promise, I’ll make it up to you tonight,” naglalambing na sabi pa nito sa dalaga na parang ni hindi man lamang nito naiisip kung ano ang mararamdaman niya sa ginagawang ito ng lalaki? Sabagay, gusto naman talaga nitong saktan siya. Ngunit ramdam niyang hindi iyon sinasabi ni Genis kay Carina para lang masaktan ang damdamin niya. Talaga lang hindi nito mapigilang ibubulalas kung gaano kaespesyal para dito ang dalaga. At mas doble ang hatid na sakit niyon sa kanya unlike iyong selos na nararamdaman niya kapag si Wendy ang kausap nito