NAHANAP KO ANG PAG-IBIG SA BISIG NG AKING KAAWAY

"SINISIGURO kong pagsisihan niya ang araw na ito," paniniyak ni Genis sa kanyang sarili, hinubad niya ang kanyang suot na barong tagalog at itinapat ang katawan sa shower. Katatapos lang ng kanilang civil wedding ni Amanda na ginaganap sa kanyang strawberry farm dito sa Baguio. At ngayon ay nandito sila sa kanyang resthouse dito rin sa Baguio. Sa edad niyang 28 years old ay marami na siyang naipundar na mga properties dito sa Pilipinas at sa iba't-ibang panig ng mundo. Ngunit hindi biro ang kanyang mga pinagdaanan para lamang marating ang kinalalagyan niya ngayon. Sinong mag-aakala na iyong dating lampa at iyaking bata eighteen years ago ay magiging ganito na ngayon?Napakuyom ang kanyang mga palad. Hindi siya maaring magkamali sa bawat hakbang. Kailangan niyang maisukatuparan ang lahat niyang mga plano. Kahit na kailan ay hindi niya sisirain ang pangakong binitiwan niya sa kanyang mga magulang at Ate Lyca. Hindi niya ipagkakanulo ang mga ito ng dahil lamang sa isang babae. "

DUMIRETSO SI GENIS sa isa sa mga pasugalan niya. Ilan lamang ang mga pasugalan sa kanyang underground business. Eighteen years ago ay hindi pa ganito kalaki ang kinikita ng mga pasugalang ito. Ngunit simula nang pamahalaan niya ito ay lumaki na ito ng lumaki. Pati mga players nila ay mga big time na rin. Kaya naman bilib na bilib ang Ninong niya sa kanya. Hindi raw ito nagkamali sa paghubog sa kanya. Engineer siya by profession at sa mata ng publiko at kanyang mga kaibigan, isa siyang matagumpay na Engineer. Iyon rin ang pagkakakilanlan ni Amanda sa kanya. Ngunit mas malaki ang kinikita niya sa kanyang mga sideline kesa sa kanyang pagiging engineer although millions rin naman ang iniakyat nitong pera sa kanya. Sabi nga ng Ninong Ben niya, sa likod ng mabait at very dignified niyang mukha, sino ang mag-aakalang isa siyang Mafia King? Kaya naman very proud ang Ninong Ben niya sa kanya. Maging ang nag-iisa nitong anak na si Wendy ay halos ipagtulakan na sa kanya.

“MANONG DOY, ibaba mo na lang ako dyan,” sabi ni Genis sa kanyang driver nang makarating sila sa ospital. Inihinto ng matanda ang sasakyan, mabilis siyang bumaba at pasimpleng naglakad patungo sa suite na kinaroroonan ni Mayor Alcazar. Dinatnan niya itong nag-iisa sa loob ng kuwarto habang kung anu-anong apparatus ang nakasaksak dito. Punong-puno ng galit ang kanyang mga mata habang nakatingin sa walang malay na matanda. “Sayang at mukhang inunahan na ako ng Diyos saiyo. Ang dami ko pa naman sanang gustong gawin saiyo,” bahagya pa siyang napailing, waring nanunuya ang kanyang mga mata, “Hindi tuloy tayo makakapaglaro.” Bumukas ang pinto, paglingon niya ay nakita niya ang butihing asawa ni Mayor, “Genis?” “Nagmamadali akong pumunta dito nang mabalitaan ko ang nangyari kay Mayor,” kunwa’y nag-aalalang sabi niya sa babae. Dalawang taon na ang nakalilipas simula nang kaibiganin niya si Mayor. Sa katunayan, isa siya sa may pinakamalaking donasyo

“DAD, Mom, biglaan naman ang pasyal nyo dito, ni hindi kayo nagpasabi,” Natatarantang sabi ni Amanda sa mga magulang nang bigla na lamang itong sumulpot sa bahay nila. “Isang lingo na simula nang ikinasal ka, ni hindi mo man lamang kami naalalang tawagan ng Mommy mo,” anitong iginagala ang mga mata sa kabuuan ng bahay, “Ang laki pala at ang ganda ng bahay nyo,” dagdag pa nito saka kumunot ang nuo, “Teka, bakit mukhang nangangayayat ang prinsesa ko?” “Ito naman, syempre naninibago ang anak mo sa buhay may asawa. Nasaan nga pala ang asawa mo?” Anang ina niya. “Naliligo po Ma,” sagot niya. Ang totoo ay kinakabahan siya sa ipapakita sa mga ito ni Genis. Tiyak na magkakagulo kapag nalaman ng mga ito ang nangyayari sa kanila ng asawa. “Sandali lang po at igagawa ko kayo ng maiinom.” Aniyang nagtungo sa kusina. Sinundan siya ng Mommy niya duon. “Kumusta ka naman, anak?” “Masaya naman, Mommy. Ang bait-bait sakin ni Genis. Mas

NASA kusina sina Imee at Amanda nang marinig nila ang malakas na boses ni Wendy sa salas. Nangigigil siya dahil basta na lamang ito dumarating anytime nito gustuhin. “Hindi mo inilock ang pinto,” sita niya kay Imee, “Alam mo namang nagkalat ang magnanakaw dito sa Maynila.” Magnanakaw na gaya ni Wendy na ibig nakawin ang puso ng asawa niya. Nagmamahalan kami, tanda niyang sabi sa kanya ni Genis ngunit iba ang naririnig miyang sinasabi ng damdamin nito. Hindi siya convince na may pagtingin nga rito ang kanyang asawa. Marahil ay isa lamang iyon sa mga palabas ng mga ito para pasakitan siya. Gayunpaman ay nagseselos pa rin siya. Babae pa rin naman si Wendy. “Amanda!” Palahaw ni Wendy ngunit kunwa’y wala siyang naririnig. Mas lalo namang natrigger si Wendy, yamot na hinila nito ang buhok niya, “Kapag tinatawag ko ang pangalan mo, lalapit ka kagad!” “Ma’m. . .” sabi ni Imee na takot na takot nakatayo lang habang pinapanuod sila.