C7

LORIE LOVE

“Lorie, dalhan mo raw ng chips si Sir Johann sa room niya,” sabi sa akin ng isa pang katulong dito sa mansion.

“Anong chips daw?” tanong ko sa kanya.

“Hindi naman niya sinabi, basta chips daw,” sagot niya sa akin.

“Okay sige,” sabi ko at kumuha ako ng lahat ng klase ng chips para naman hindi na ako bumalik ulit dito sa baba.

Hindi pa tapos ang party pero nasa room na nila siya kasama ng jowa. Siguro ay nag-jugjugan na ang dalawang ‘yon. Mukha pa namang mahilig itong ninong kong hilaw. Pero ano nga ba ang pakialam ko sa kanya. Simula ngayon ay kalilimutan ko na siyang ninong ko.

Ayaw naman niya akong  tanggapin na inaanak niya kahit ang totoo naman ay inaanak niya. What if ipakita ko na lang kaya ang baptismal ko? Maniniwala na kaya siya? Pero ‘wag na, ‘wag na dahil pinahiya niya ako kanina sa harap ng mga kaibigan niya. Sinigawan niya ako at alam ko na galit siya pero bakit ako pa rin ang inutusan niya na magdala ng chips nila.

“Papagalitan kaya niya ako ulit?” tanong ko sa sarili ko.

Kung pagalitan man niya ako ay bahala siya. Wala naman akong kasalanan eh. Bahala siyang magalit, hindi naman siya ang boss ko. Oo boss ko siya pero may main boss at iyon ang mommy niya.

Huminga muna ako ng malalim bago ko pinindot ang doorbell nitong room niya. Dito ay hindi uso ang katok-katok dahil soundproof daw ang mga room kaya nilagyan na nila ng doorbell. Pero ang magaling na congressman ay hindi man lang binubuksan ang pintuan niya.

“Baka nasa baba siya,” nakangiti na sabi sa akin ng gwapo kong boss tapos mabait pa.

“Ang sabi po ng kasamahan ko ay nagpapadala daw po ng chips dito,” sagot ko sa kanya.

“Puwede ba akong humingi ng chips?” nakangiti na tanong niya sa akin.

“Pumili na lang po kayo,” nakangiti na sagot ko sa kanya.

Kaagad naman siyang nakapili ng gusto niya.

‘Thank you?”

“Lorie Love po,” nakangiti na sagot ko sa kanya.

“Bagay sa ‘yo ang pangalan mo. Ako naman si Joranz, but you can call me Kuya Ranz,” sabi pa niya.

“Okay lang po na kuya at hindi sir?”

“Kapag tayong dalawa na lang,” nakangiti na sabi niya na para bang hindi man lang nangangalay ang labi niya sa kakangiti.

“S–Sige po, kung ‘yan po ang gusto mo,” nakangiti na sabi ko sa kanya.

“Huwag kang mahiya sa akin. Kapag may kailangan ka o kung ano man ay sabihin mo lang sa akin,”

“Salamat p–”

“Bakit hindi ka pa pumasok?” galit na tanong sa akin ng masungit kong boss at matalim ang tingin na binigay niya sa akin.

“Hindi mo naman po–”

Nagulat na lang ako dahil bigla niya akong hinila papasok sabay sara ng pintuan.

“Where’s my chips?” tanong niya sa akin at ang lapit namin sa isa’t isa.

“Ito po, pumili ka lang po kung alin ang gusto mo,” sagot ko sa kanya.

“Bakit mo binigay kay kuya ang chips ko? ‘Yon ang gusto ko eh,” sabi niya sa akin.

“Sabi kasi niya ay gusto niya ng chips kaya pinapili ko siya. Hindi mo naman kasi sinabi kung alin o ano ba ang gusto mong chips kaya dinala ko na lahat dito. Kung ‘yun ang gusto mo ay kukuha na lang ulit ako sa baba,” sabi ko sa kanya.

“Pinakaayaw ko sa lahat na kapag ako ang nag-uutos ay ako ang binabalewala,” sabi niya sa akin.

“Alam mo, ang kulit mo rin talaga. Kukuha na nga lang ulit ako sa baba,” sabi ko sa kanya dahil parang mauubos ang pasensya ko sa matandang ito.

“Huwag na! Nawalan na ako ng gana,” sabi niya at tinalikuran na ako. Umupo ito sa may sofa dito sa room niya, siya lang rin at wala ang babe niya, binuksan niya rin ang malaking tv.

Pero nanlaki ang mga mata ko dahil sa bumungad sa screen. May dalawang tao na n*******d at may umuungol.

“Fvck!” mura niya sabay patay ng tv.

“Ang bastos mo naman, alam na may bata dito eh binuksan mo ‘yan. Bakit hindi mo na lang paakyatin ang babe mo dito para kayo na lang na dalawa ang–”

“Ang ano? Ano ang alam mo? Ituloy mo? Bakit, totoo ba na may experience ka na?” tanong niya sa akin.

“Ano naman kung mayroon na? Ano naman ngayon?” mataray na sabi ko sa kanya dahil naiirita ako sa mukha niya.

“Sino ba ang boss sa ating dalawa?”

“Ikaw,” sabi ko sa kanya pero tinarayan ko pa rin siya.

“Ako pala, pero ginagamitan mo ako ng bastos mong tono.”

“Ikaw nga pinahiya mo ako kanina. Wala naman akong kasalanan sa ‘yo pero sinigawan mo ako,” sabi ko sa kanya.

“Bakit ka kasi nagsuot ng ganyang damit?” tanong niya sa akin.

“Ano ba ang mali dito sa damit ko? Mukha na nga akong manang tapos nagagalit ka pa. Ano ba ang gusto mo? Balutin ko ang sarili ko?” naiinis na tanong ko sa kanya.

“Lumabas ka na nga, lalo mo lang sinisira ang gabi ko.” pagtataboy niya sa akin.

“Kung sira ang gabi mo ay sira rin ang gabi ko. Akala mo ikaw lang, simula ngayon ay itinatakwil na kita bilang ninong ko, ayaw ko na sa ‘yo,” sabi ko sa kanya.

“Bakit tinanggap ba kitang inaanak ko?” nakangisi na sabi niya pero inirapan ko lang siya.

Akmang lalabas na ako nang bigla na lang niyang hawakan ang kamay ko.

“Hindi ko alam kung saan ka ba kumukuha ng lakas ng loob para tarayan ako ng ganyan. Pero sa susunod ay tutuluyan ko na ‘yang mga mata mo, at alam mo ang ibig kong sabihin,” sabi niya sa akin.

“Sorry ka na lang dahil hindi titirik ang mata ko sa katulad mong pangit na, matanda pa. Kahit naman katulong ako ay alam ko kung sino ang gwapo sa hindi, malinaw na malinaw pa itong mga mata ko,” sabi ko sa kanya na dahilan para mas lalong dumilim ang mukha niya.

“Isang insulto mo pa ay–”

“Ay ano? Tatanggalin mo ako sa trabaho? Subukan mo lang para malaman ng lahat na masama ang ugali mo. Tingnan ko lang kung manalo ka pa sa susunod na eleksyon,” sabi ko sa kanya.

“You–”

“Baba na po ako, Sir Congressman,” sabi ko sa kanya bago ako tuluyang lumabas.

Nakangiti akong lumabas sa room niya dahil alam ko na iritang-irita sa akin ang matanda na ‘yon. Sungitan pa niya ako dahil ipagkakalat ko talaga na masama ang ugali niya. Pero syempre hindi ko naman ‘yon gagawin baka mamaya ay matagpuan na lang akong palutang-lutang sa kung saang ilog. Bumaba na ako dahil mukhang magiging masarap ang tulog ko ngayong gabi. Nakaganti na ako sa pamamahiya niya sa akin doon sa labas.

******

Kinabukasan ay maaga na naman akong gumising. Tulad ng ginawa ko kahapon ay ito ulit ang ginawa ko. Pero dahil tulog pa ang mga boss ko ay tumulong na muna ako sa mga kasama ko na maglinis sa pool area dahil ang kalat dito.

“Lorie, pinapatawag ka ni Madam.” sabi sa akin ng isa sa mga katulong rin dito.

Ako naman itong nagtataka kung bakit ako pinapatawag ng ganito kaaga.

“Ano kaya ang sasabihin niya sa akin?” tanong ko sa sarili ko.