CHAPTER 3

Nalaman kong ubod ng yaman nitong si Gab. Ang negosyo ng mga ito ay ang mamahalin na mga perfume kaya pala ubod ng bango ng lalaki lalo na nung nakulob kami kasama ito sa sasakyan nito. Humahalimuyak ang amoy nito, yun bang mahihiya ka na tumabi dito dahil napaka bango nito pero hindi masakit sa ulo at ilong.

Ilang linggo lamang ang lumipas pagkatapos ng insidente sa pagitan namin ni Gab at ng anak ko ay nangailangan na nga kaagad ni Kimmy ng dugo. At dahil wala talaga akong mahanap na blood bank na may stock ng katulad sa blood type ng anak ko ay napilitan akong tumawag at humingi ng tulong kay Gab. Agad naman ako nitong tinulungan ng walang kahirap hirap.

Na-supplyan kaagad si Kimmy ng dugo mula sa connection ni Gab. Lumipas pa ang ilang buwan patuloy ang pag tulong ni Gab dahil kailangan pa din ng dugo ni Kimmy hanggang sa tumawag ito at inimporma ako na malapit na maubos ang stock ng blood type ng anak ko sa mga connections na meron si Gab.

“Hi Gab! What’s their suggestion?” Tanong ko dito mula sa kabilang linya.

“Myles, I’m sorry, but the suggestion is to find the child’s father.” Sagot nito sa akin.

“Y-You know I d-don’t want to do that d-diba?” Biglang nanlamig ang buong katawan ko sa narinig ko dito.

“Well, kung para kay Kimmy... Myles, you have to do it. Limited na lang ang dugo na pwede maibigay kay Kimmy.” Seryosong sagot nito sa akin.

“A-anong gagawin ko?” Tanong ko dito na unti unti nang sumusungaw ang luha mula sa aking mga mata.

“Don’t cry Myles. Kung alam mo lang... Ayaw ko din na magkita pa kayo. Pero mahal ko na din ang anak mo.” Nahihirapang sagot sa akin ni Gab sa kabilang linya.

“H-Hindi nya deserve ang malaman pa ang tungkol kay Kimmy! Okay na si Kimmy, ikaw na naman ang kinikilala nyang ama. At masaya akong masaya sya ng nandyan ka.” Sagot ko dito at di ko na napigilan pa ang pag hikbi ko at tuluyang pag agos ng aking mga luha sa pisngi ko.

“Hush now Myles... It’s also hard for me now...” Sagot nito sa akin.

“Napaka buti mong kaibigan Gab. Anong gagawin ko? Namin ni Myles kung hindi ka dumating sa buhay namin?” Sabi ko na may kasama pang pag singhot singhot dahil sa sipon na bumabara sa ilong ko gawa ng pag iyak.

“You know how much I want for us to be more than just a friend?”. Pahapyaw na sabi nito sa akin.

“Gab...” Nahihirapang sagot ko dito.

“I know! But I will still wait for you Myles. Maghihintay ako hanggang sa mahalin mo na din ako.” Madamdaming sagot nito sa akin.

“I-I have to go now Gab. P-Papasok pa ako.” sagot ko dito na umiiwas.

“Okay sige... Ingat ka...” Napabuntong hiningang sagot nito sa kabilang linya.

Ibinaba ko na ang tawag at saka napahawak ako sa aking dibdib. Kasalukuyan akong nasa Hotel kung saan ako nagtatrabaho. Nasa locker ko ako ngayon at magpapalit na dahil morning duty ako ngayon. Mabait si Gab, pero kasi... Hindi ko alam, pero... Naiisip ko pa din sya... At isa pa, kasal pa din ako sa... Pilipinas.

Napapailing na nag simula na akong mag bihis. At saktong pagtapos ko ay tinawag na ako ni Ms. Claire ang aming Housekeeping Supervisor para ibigay kung saan ako assigned ngayon. Dahil inimporma ako nito kahapon bago ako mag out na mayroon daw kaming VIP guest at gusto nyang ako mag asikaso ng silid nun dahil maganda daw ang performance ko sa trabaho. Sigurado daw na hindi sila mapapahiya. Kaya mas inagahan ko ang pagpasok ko ngayon dahil dito.

Sa Presidential Suite Room ako na-assign ngayon kaya agad na nagtungo na ako sa silid para mag simula nang linisin ito.

Maya maya pa ay tumunog ang cellphone ko. Sinilip ko kung sino ang tumatawag at agad akong kinabahan ng makita na ang Daycare na pinapasukan ni Kimmy ang natawag. Agad na sinagot ko ito kahit na bawal ang cellphone sa trabaho, ngunit ipinakiusap ko ito ng may halong pagmamakaawa dahil nga para kay Kimmy. Mabuti na lamang at mabait ang management ng Hotel at pinayagan akong magdala ng cellphone kahit na nag ta-trabaho ako sa kasunduan na hindi ako pwedeng mag text o sumagot ng tawag kung hindi emergency. Dahil pag may nakakita sa akin ay agad na tatanggalin nila ako sa trabaho.

Isinugod daw si Kimmy sa Ospital dahil bigla na lamang ito hinimatay at nangitim. Kaya agad na iniwan ko ang post ko at sumugod sa ospital kung saan dinala ang anak ko.

Nakita ko ang tuyong tuyong labi at nagingitim na daliri ng anak ko. Hindi ko napigilan ang umiyak dahil sa sobrang takot.

Kinausap ako ng Doctor na ano man oras ay maaring kailanganin ni Kimmy ng dugo kaya kailangan na makahanap ako ng donor sa lalong madaling panahon lalo at wala na din halos maibigay ang mga koneksyon ni Gab.

Nang maging stable na si Kimmy ay siyang dating naman ni Gab sa ospital. Tinapos lamang nito ang meeting nya at sumunod din ito nang sabihin ko ang nangyari kay Kimmy.

“P-Pwedeng bantayan mo muna si Kimmy?” Tanong ko kay Gab.

“Sure. Babalik ka pa sa Hotel?” Nakakaunawang tanong nito sa akin.

“K-Kailangan... May VIP guest kami ngayon at ako ang naka assign.” Direktang sagot ko dito.

“Sige. Ako na bahala dito. Pina-cancel ko na naman ang susunod na dapat na meeting ko.” Imporma nito sa akin.

“P-Pasensya ka na Gab ah... Nagiging pabigat kaming mag ina sayo.” Malungkot na sabi ko dito.

“Alam mong hindi kayo pabigat sa akin Myles.” Sersyosong sagot nito sa akin at saka hinawakan ang ulo ko.

“Sige na, anong oras na oh... Ako na bahala kay Kimmy.” Nakangiting sagot nito sa akin at saka tinggal ang kamay nyang ipinatong nya sa ulo ko.

Habang nasa taxi ako pabalik ng hotel ay walang tigil ang pag luha ko. Hindi ko na alam kung ano ang dapat kong gawin. Tama nga sigurong puntahan ko na ang ama ni Kimmy.

“Tama nga ba?” Malalim na buntong hininga ko.

“You okay Miss?” Sabi sa akin ng driver na nagtaka siguro dahil sa malakas na pag buga ko ng hangin.

“Yes Sir, I’m okay... I’m sorry...” Nahihiyang sagot ko dito.