Chapter 12

Walang pasok pero heto ako, nag iisip ng paraan kung paano ko mapapasok ang school na hindi napapansin.

Ang sabi ni Grant kahapon sa akin ay kinuha raw ang footage sa campus mula umaga hanggang sa oras ng insidente. Noong silipin ko ang CCTV kahapon, naka off ito. Siguro ay pagkakataon ko na iyon para makapasok.

Sabado na ngayon at magaling na ang mga sugat ko.

Dating gawi, nilinisan ko ulit ang bahay namin at pinagluto ang aking sarili. Sa sobrang swerte ko ay nadiskubre kong may google map pala ang aking cellphone, kaya't naisipan kong i-search ang location ng aming school at tignan iyon. Hindi ganoon katayog ang mga gates ng campus, p'wede akyatin pero delikado dahil matinik.

Hindi rin naman ako p'wedeng dumaan sa entrance at exit dahil may mga bantay doon. Nang tignan ko mula sa likod ang paaralan namin ay napansin kong higit na mas maliit at maikli ang bakod sa likod ng school kaysa sa front.

Mag a-alas otso na ng gabi nang maisipan kong umalis dala ang aking bag. Hindi nama