Kabanata 001

Marlita’s Point of View

HANDSOME

“Tinatanggap ko na ang alok mo sa akin.”

Sa isang coffee shop na katapat lamang ng Hospital ay nagkita muli kami ng babae kahapon. Pamilyar siya sa akin at ngayon ay nakikilala ko na kung sino ang kaharap ko.

Si Veronica Sanchez, ang kababata ko. Hindi ko ito na mukhaan kahapon dahil saglit ko lamang na tiningnan ang maganda nitong mukha. Ngayon ay malaya akong tinititigan siya gamit ang seryoso kong ekspresyon.

“Madali ka lang pa lang kausap, Marlita.” Uminom ito sa tasang may lamang kapeng amerikano na kaniyang inorder kanina.

“Ang plano lamang ay paiibigin at aakitin ko siya subalit paano ko magagawa iyon?” nagtataka kong tanong.

Ang plano niya ay napakahirap gawin lalo na at pagpapanggap ito. Hindi ko maisip na may lulukuhin akong tao para lamang sa perang kailangan ko. Ngunit wala na akong ibang choice, kulang na ang panahon ko upang maghanap ng pera o umutang man lang.

“Huwag kang mag-aalala dahil may tutulong sa iyo sa loob ng mansyon ng mga Ryker.” May kinuha siya mula sa loob ng kaniyang purse.

Isang larawan ng lalaking napakaguwapo at maskulado.

“This is Grayson Ryker. Magiging kasambahay ka sa kaniya sa loob ng isang taon at dapat pagkatapos sumapit ng bagong taon ay mapaibig mo na siya.” Ngumisi ang mapupula niyang labi.

Tumango ako subalit may pag-aalinlangan sa akin.

Ang guwapo pala niya. Ano kayang meron at gustong paibigin ko si Grayson Ryker sa akin? Ano’ng meron kina Veronica at Grayson?

Ngayon ay pangalawang araw ng Enero taong dalawang libo at dalawampu’t lima.

“Gagawin ko lahat ng makakaya ko para mapaibig siya basta mabuhay lamang muli ang aking Lola,” sagot ko.

Iniabot niya ang kaniyang kanang kamay sa akin para sa isang pakikipagkamay. Tiningnan ko iyon bago ko tinanggap.

Buo na ang loob ko.

“Kailan ako magsisimula?”

Ngumiti siya. “Mamaya may susundong itim na van sa ‘yo kaya maghanda ka na at magpaalam sa pamilya mo.” Tumayo siya at lumapit sa aking pwesto.

May nakaguhit pa rin na ngiti sa mapula nitong labi. Nakatingala ako dahil sa biglaang paglapit niya at bigla itong b****o sa akin.

Palihim kong naikuyom ang aking kamay.

Wala akong sagot na nakuha kung bakit niya inaalok ito sa akin at kung paano niya nalaman na may sakit ang aking Lola. Ngunit sa ngayon ay hindi ko na muna iyon aalamin.

Napakabilis ng takbo ng oras at narito na ang susundong van sa akin. Nakapagpaalam na ako kay Lolo Arvonaldo ngunit patungkol sa pagtatrabaho bilang kasambahay lamang ang aking sinabi sa kaniya. Ayaw kong tanggihan ni Lolo ang nais ko kaya itatago ko muna ito.

Isang may edad na babae ang sumundo sa akin sa Hospital. Nagpakilala itong mayordoma at siya umano ang tinutukoy ni Veronica na tutulong sa akin sa loob ng mansyon.

“Narito na tayo,” sambit ng mayordoma.

Mahigit isang oras ang naging byahe namin bago ko nasilayan ang nakapaka-engrande at napakagandang mansyon na pag-aari umano ng mga Ryker.

Ang yaman pala ng target ni Veronica!

Ano nga kaya ang dahilan niya kung bakit trip niyang paglaruan ang puso ng lalaki?

“Marlita…” isang malumanay na tinig ang gumising sa diwa kong namamangha. “...sa sandaling makapasok tayo sa mansyon ay nais kong batiin mo ng pormal si Senyorito Grayson at gumawa ka ng eksena upang makuha mo ang atensyon niya,” seryosong ani ng mayordoma.

“Gagawa ng eksena? Agad-agad po?” Kararating ko pa lang ay ipapahiya ko na agad ang sarili ko?

Mukhang hindi naman nagustuhan ng mayordoma ang pagtatanong ko dahil tumaas agad ang isa nitong manipis na kilay.

Susunod na lamang ako upang walang gulong mangyari.

Sa bukana pa lang ng napakalaking pintuan ay may natatanaw na akong nagkakape na isang lalaki. Naka-upo ito sa isang couch at sa harap nito ay may maliit na babasaging lamesa.

“Siya ang lalaking paiibigin mo kaya galingan mo sa pag-arte.” Bulong ng mayordoma sa akin nang makalapit kami.

“Magandang hapon, Senyorito Grayson! Narito na ang bago nating kasambahay,” pakilala ng mayordoma.

Nakasuot ng itim na shades ang lalaki kaya nang tanggalin niya ito ay para akong nalunod sa maganda at mainit nitong titig.

“I am Grayson Ryker, your boss.” Isang simpleng ngiti ang sumilay sa guwapo nitong mukha.

Siya nga ang lalaking nasa litrato. Ang lalaking ito ang lulukuhin ko para sa kaligtasan ng aking Lola. Pekeng pag-ibig kapalit ng buhay ng mahal ko sa buhay.