Kabanata 004

Marlita’s Point of View

FUBU

Ngayon ang pangalawang araw ko sa mansyon. Umagang-umaga pa lang ay gising na ako at maging si Manang Sedes. Kanina lang ay nakilala ko na ang ibang kasambahay ng mansyon. Sa na aalala ko ay may sampong kasambahay rito maliban sa akin.

Namangha pa ako kasi may nakikita akong mga lalaking naka-suit ng itim. Pormal na pormal ang dating nila at ito raw umano ang mga bodyguard ng mansyon. Napakarami nila at pakiramdam ko ay nasa isang palasyo ako.

“Bakit wala akong nakikitang ibang pamilya ni Sir Grayson dito?” biglaang tanong ko kay Merel, isang kasambahay rin.

Naghihiwa siya ng carrots nang sagutin ang tanong ko. “Nasa out of town sila ngayon at next month pa raw ang uwi.”

Tumango-tango ako sa narinig.

“Kawawa rin pala si Sir, hindi man lang siya pinasama.”

Biglang na tawa si Merel sa aking sinabi. Nag-joke pala ako?

“Ano ka ba, Marlita! Hindi nakakaawa si Sir, ‘no, sadyang hindi lang niya trip na sumama kasi hahanapin siya ng girlfriend niya,” ani nito.

Nagulat ako sa aking narinig. May girlfriend si Sir Grayson? Pero hindi na banggit sa akin ni Veronica at pati na rin si Manang Sedes ang tungkol doon.

“May girlfriend pala si Sir?” tanong ko.

“Hindi namin sigurado kung girlfriend ba niya talaga ‘yon pero hindi naman niya tinatanggi so baka nga,” sagot ni Merel.

Kung may girlfriend na pala si Sir Grayson ay hindi kaya ay mahirapan ako sa plano namin? Kailangan kong makausap si Veronica patungkol dito.

Nagpatuloy kami sa pag-uusap ni Merel habang inihahanda ang mga sangkap na lulutuin. Maya-maya lang ay ipinatawag ako ni Manang Sedes. Pinapatawag daw ako ni Sir Grayson at puntahan ito sa sala.

Sinunod ko naman agad at saka nagpunta sa sala ng mga Ryker. Papalapit pa lang ako ay may naririnig na akong boses ng babae. Mukhang may kausap si Sir Grayson.

Nang makalapit ako ay gulat na gulat ako sa aking nakita. Si Veronica. Bakit nandito siya? Ang buong akala ko ay wala silang connection sa isat-isa.

“Marlita, kindly prepare food and a drink for her,” iyon ang kailangan ni Sir Grayson sa akin.

Ka-ano-ano ni Sir Grayson si Veronica? Nang magtama ang mga mata naming dalawa ay ngumiti lang siya sa akin.

Hindi ko na lamang pinansin ang mga katanungan sa isip ko at saka ko inihanda ang iniutos ni Sir Grayson sa akin. Ilang minuto lamang ay natapos na ako at saka ko inihain sa babaeng kausap ngayon ni Sir Grayson.

“Thank you.” Ngumiti ulit siya kaya sinuklian ko rin. “What is your name again?” Nagulat ako nang biglang magtanong si Veronica sa akin. Itinuro niya ako at pinapalapit sa kaniya.

“M-Marlita po…Ma'am.” Nag-aatubili kong sagot.

Bigla siyang ngumiti sa akin at saka ibinaling ang atensyon kay Sir Grayson na ngayon ay busy sa newspaper na hawak nito. Kitang-kita ko kung paano hawakan ni Veronica ang lalaki, halatang matagal na nga silang magkakilala.

“Sexy pala ang bago mong personal maid, Grayson. Dapat na ba akong makaramdam ng selos dahil magkahulma ang katawan namin?” natigilan ako sa sinabi ni Veronica.

Nilingon naman ni Sir Grayson ang katabing babae. Wala pa ring emosyon na makikita sa mukha niya kahit napakaganda ng babaeng kaharap nito.

Napansin ko ang pasimpleng pagkagat ni Veronica sa mapula nitong labi at saka ito nang-aakit na tumawa. Pati ang pagtawa nito ay nakakaakit sa pandinig.

“Ano ang kailangan mo sa ‘kin, Ve?” tanong ni Sir Grayson sa nobya.

Nanatili pa rin akong nakatayo sa aking pwesto.

“Gusto lang kitang makita—” pinutol ng lalaki ang pananalita niya.

“I'm busy and I don't have time for you.”

Dapat na ba akong umalis sa pwesto ko? Baka kasi mag-away sila at saka may magaganap na panunuyo, ayaw ko naman na masaksihan ‘yon.

Nagbilang ako ng limang segundo bago dahan-dahang humakbang palayo sa dalawa.

Nakakahiya naman at baka maisturbo ko pa ang dalawa.

Nakakailang hakbang pa lamang ako ay narinig ko muli ang aking pangalan. Hindi lang galing sa isang tao kundi sa dalawa. Hindi ko tuloy alam kung kanino ako sasagot.

Sa lalaking amo ko ba rito sa mansyon o sa babaeng amo ko na siyang dahilan kaya narito ako?

“Yes po?” Hinarap ko silang dalawa.

Tumayo si Sir Grayson at hinarap ako. “Samahan mo siya palabas ng mansyon.”

Napatingin ako kay Veronica. Ang akala ko ay magre-react siya sa sinabi ng nobyo niya ngunit parang wala lang sa kaniya ito.

Tumayo si Veronica at saka iniwan si Sir Grayson. Sinundan ko ang babae gaya ng utos sa akin.

Ang pulang fitted tube dress ni Veronica ay bagay na bagay talaga sa kaniyang magandang katawan, na pati ang dalawang bodyguard na nagbabantay sa pintuan ay napapalingon sa babae.

Kaya hindi ko mawari kung bakit nasabi ng babaeng ito na magkahulma raw kami ng katawan. Eh, hindi nga ako nilingon ng mga bodyguard nang malampasan namin sila. Joker din itong si Ate huh!

“You should get his attention as soon as possible, Marlita,” biglang pagsasalita ni Veronica nang nasa labas na kami ng mansyon.

“Pangalawang araw ko pa rito, Ma'am Veronica, kaya nahihirapan pa akong kilalanin siya,” ani ko.

Ngumiti siya ngunit parang peke. “Alam ko kaya bilis-bilisan mo.”

Tumango ako at saka may naalalang dapat na itanong ko sa kaniya. “Nobyo mo pala si Sir Grayson? Nagulat ako nang makita kita kanina.”

Tumawa siya ngunit maya-maya lang ay naging seryoso ulit ang mukha.

“I am his fubu.” May diin ang kaniyang pananalita.

Fubu? Hindi girlfriend kundi ay fun buddies sila?!