Chapter 32

"NILOKO ka na naman, niloko ka na naman," paulit-ulit na wika niya habang nakatitig sa mga larawang nasa dingding. Ang lakas-lakas ng pintig ng kanyang puso. Matindi kasi ang galit na kanyang nararamdaman kaya naman parang gusto niyang manakit. 

Umasa siyang may makakasama na siya sa buhay pero hindi nangyari ang inaasam niya dahil ang taong natutunan niyang mahalin ay nagpakasal na sa iba. 

Sunud-sunod na mura tuloy ang kanyang pinawalan. Hindi maaaring lagi na lamang siyang nasasaktan at nahihirapan. Ang kailangan ay mayroon ding magdusa sa paghihirap niya. 

Naningkit tuloy ang kanyang mga mata sa pagkakatitig niya sa bagong dikit na larawan. Sumpa niya, may parurusahan dahil gusto niya itong patawan ng kamatayan.