CHAPTER THIRTEEN

CHAPTER THIRTEEN

Hindi agad siya bumangon. Hindi niya alam kung namamalikmata lang ba siya. Sandali kasi siyang nanibago nang magising siya. Kumikirot ang kaniyang ulo. Malambot na kama, malamig at mabangong kuwarto at... hubad siya? Muli niyang ipinikit ang mga mata, uminat at humikab. Bigla siyang bumangon nang mahimasmasan. Pumasok agad sa isip niya ang kasama niya sa kuwartong iyon. Si Gerald!

“Oh my God! Ano na naman itong ginawa ko?”

Hindi na niya makita si Gerald sa tabi niya. Wala na rin ang mga damit nito. May nakita siyang pera sa tabi ng unan ngunit hindi niya iyon pinansin. Nagbabakasakali siyang nasa banyo lang si Gerald at naliligo. Baka nga sinusubok lang siya nito sa perang nasa kama. Pinapainan siya ng pera.

Hindi niya mapigilan ang di kiligin habang naglalakad siya papunta ng CR. Gusto niya yung nangyari kagabi. Totoo ang halik, ang yakap at init ng kanilang pagtatalik. Gusto niya ang kaniyang nararamdaman at handa siyang magmahal kung kagaya rin lang naman ni Gerald