Chapter 24

HINDI NA SIYA pinauwi ni Keith nang gabing iyon. Lahat ng gamit nila ay pinalipat na nito sa bahay nito. Hindi, sa bahay daw nila.

Natulog siya sa tabi ng anak pero nagising siya na nasa tabi ng asawa. Paniguradong binuhat siya nito papunta sa silid nito. Yakap-yakap siya ng asawa nito. Akala mo naman aalis siya.

Maaga siyang naligo dahil araw ng check-up niya ngayon. Baka mamaya naghihintay na sa kan'ya si Zoe.

Magluluto sana siya nang mapansing meron na palang nakahain. Pumasok na lang siya sa silid ng anak.

Nadatnan niya si Yaya na hinahawi ang malaking kurtina.

"Magandang umaga, Ate buntis."

"Magandang umaga din." Nginitian niya ito kapagkuwan.

"Hindi daw makakapunta si Zoe,"

Napakunot-noo siya sa sinabi nito. "Bakit? Sabi niya-"

"Si Sir Keith na lang daw po isama niyo."

"So, pinagkaisahan niyo ako? Alam niyong si Keith-"

"Yaya,"

Sabay silang napalingon ni Esang nang tawagin ito. Si Keith iyon. Gulo pa ang buhok nito pero hindi naman kabawasan ng kaguwapuhan nito. Narinig niyang s