Chapter 22

3 months later...

"MISS D, MAGKANO ka kaya kapag binili?" Napatingin si Thea kay Tonton na noo'y nasa labas ng tindahan.

"Oo nga, Miss D para mapag-ipunan ko rin," ani rin ni Kiko na nasa upuan.

"Hoy, tigil-tigilan niyo si buntis!" sigaw ni Esang na kakapasok lang ng tindahan. Karga nito si Thor.

"Trillion, kaya niyo?" biro niya sa mga ito.

"Grabe! 3n1 na kape na nga lang d'yan. 'Yong twin pack, ha. Paki-lista na lang muna, Miss D. Wala pang pasahod si boss, eh." Nagkamot pa ito sa ulo.

Bigla siyang natawa sa binata. Uutang lang naman pala ang dami pa'ng kuda.

Pagkabigay niya ng kape ay nahiga siya sa duyan na nasa loob ng tindahan.

"Salamat, Miss D., hulog ka talaga ng langit!" nakangiting wika ni Tonton sa kan'ya. Tinanguhan niya lang ito.

"Hulog kasi tayo ng impiyerno," sabat ni Kiko na ikinatawa niya.

"Gag* ikaw lang. Hulog ako ng lupa," ani ni Tonton na binatukan pa ang kaibigan.

"Tingnan mo, tatanung-tanong kayo ng halaga ni Dorothy tapos ni pambili ng kape, wala kayo? Hay naku