Chapter 99

“Congrats sa graduation mo!” Binasa ni Eclaire ang chat mula kay Kenneth. Mabilis na gumuhit ang ngiti sa kaniyang mga labi habang nag-iisip ng sasabihin pabalik.

April 2, 2027. Araw ng byernes at graduation ni Eclaire. Nakasakay na ang buong pamilya niya sa isang SUV papunta sa kaniyang eskwelahan. Sa schoolgrounds gaganapin ang mismong graduation ceremony at sa school gym naman ang party. Sa loob ng kaniyang toga, suot na niya ang dress na pinili niya noong nakaraang linggo at silver na three-inch stilettos. Wristwatch, hikaw, at necklace na iisang kulay – diamond stud na may silver embellishment.

Nagpaalam nang personal si Peterson sa kaniya na mahuhuli ito sa kaniyang graduation dahil manggagaling pa ito sa Davao. Sa apat na taon niya sa Pilipinas, unti-unti na ring lumambot ang loob ng matanda sa kaniya. Hindi na rin siya masyadong natatakot rito dahil habang lumalaki ang kapatid niyang si Ethan, nakita niya kung paano ito i-spoiled ng lolo nito. Iyon na rin si