Kabanata 51.4

Kabanata 51.4

[“Sir Jack.”]

“Oh, napatawag ka?” Luminga-linga si Jackson. Hinahanap niya ang katagpo niya.

[“Nagreport po sa pulis si Merella. Kinidnap daw po si Cindy at ang kinakasama nitong si Sevi.”]

“Wala akong pakialam sa kanila. Siguro ay karma na nila ‘yon dahil sa kasamaan nila. Iyan lang ba ang dahilan mo kung bakit ka napatawag?” inis na tanong ni Jackson. Tumingin siya sa kaniyang Patek Philippe na relo. Late na ng limang minuto ang kausap niya sa itinakda nilang oras ng pagkikita. ‘Nasaan ka na?’

[“Si Noemi Hiraya po ang inireport nilang suspect. Sa tingin ko po ay kailangan niyo itong malaman.”]

Natigilan si Jackson. “Noemi Hiraya?” Kumunot ang kaniyang noo. May naalala siya. “Hindi ba’t siya ang isa sa mga…”

[“Tama po kayo. Si Noemi Hiraya De Luna ang katipan ni William Wrights bago pa man ito ikasal kay Cindy. Hindi po ba’t ipinapahanap niyo sa akin ang babaeng ‘yon, matagal na panahon na ang nakalilipas?”]

Hinilot ni Jackson ang kaniyang noo. “Oo pero hindi pa ako sig