Kabanata 5

Kabanata 5

"Shít!"

Habang unti-unting bumabalik ang malay ni Jackson ay naramdaman niya ang pumipintig niyang ulo. Nataranta siya nang makita niyang wala si Mereya sa tabi niya. Hindi siya pwedeng magkamali, magkasama sila kagabi. Uminom sila ng alak habang kinukuwento ng bawat isa ang tungkol sa buhay nila.

"Did she leave me? Bakit hindi man lamang siya nagpaalam?" Mabilis na binuksan ni Jackson ang kaniyang sasakyan. Idinipa niya ang kaniyang mga kamay at saka pumikit. Dinama niya ang medyo maalat na hangin mula sa dagat. Napangiti siya nang maalala niya kung gaano katamis ng ngiti ni Mereya habang kausap siya kagabi.

"I hope she's fine. We will plan our wedding tomorrow. I can't wait to see her in her wedding gown," Jackson said as he stared at the turquoise waters of the sea.

Isang phone call ang nakapagpabago ng mood niya. His father called him. Nasa hotel ito at hinihintay siya roon. He swiftly hopped inside his car and drove back to Escueza.

"Ano kayang problema? Bakit biglang lumipad si papa mula Monte Carlos patungo rito sa Monte Vista?" Tinawagan ni Jackson si Diana. Hindi na niya mahihintay na makarating siya sa hotel bago niya malaman ang dahilan ng biglaang pagdalaw ng kaniyang papa. Nang sumagot si Diana ay agad siyang nagsalita, "Have you seen papa?"

["He's here in your office. Kuya, anong ginawa mo?"]

Kumunot ang noo ni Jackson. "I just helped Mereya find out the truth and we just hang out last night. Why did you ask?"

["Are you on your way here, kuya?"]

"Yes. Siguro mga twenty to thirty minutes bago ako makarating." Mas pinabilis pa ni Jackson ang kaniyang pagmamaneho.

["Sige. We'll wait for you or maybe, si papa na lang makakahintay sa'yo at may aasikasuhin ako mamaya."]

"Why not tell me now, Diana? I'm dying to know about it." Sumagi na naman sa isip ni Jackson si Mereya. "Nasaan kaya siya ngayon? Bakit umalis siya nang wala man lang paalam?" bulong niya.

["Sinong siya, kuya? GIRLFRIEND MO?"]

"H-Hindi. Kaibigan ko lang. Sige na. See you." Bumuntong hininga si Jackson. Hindi pa tamang oras para ipakilala si Mereya sa pamilya niya lalong-lalo na sa kaniyang papa. Isa pa, hindi pa rin naman niya ito kasintahan pero may posibilidad na maging fiancee niya. Maghihintay muna siya ng magandang pagkakataon bago niya isiwalat sa mga Gray na magpapakasal na siya.

~~~~

"PAANO MO 'TO NAGAWA SA AKIN, ATE? MAY LIHIM KA BANG INGGIT O GALIT SA AKIN?" galit na sigaw ni Merella. Nakatingin siya sa Ate Mereya niya na ngayon ay sapo-sapo ang kaniyang noo at pilit na inaalala ang nangyari.

"This is not right. Sigurado ako, si mister ang kasama ko kagabi at hindi ang anak ng congressman na 'yon. Paano ako napunta sa sasakyan niya? Ten kilometers ang layo ng beach sa city, kaya paano? Ang naaalala ko lang talaga ay kainuman ko si mister tapos nalasing kami. Imposible ang ibinibintang nila mama," bulong ni Mereya. Masakit pa ang ulo niya dulot ng hangover at mas lalo iyong sumakit nang magising siya sa tabi ng anak na lalaki ng congressman na siyang fiancé ng kapatid niya!

"MALANDI KANG BATA KA!" Agad na sinugod ni Cindy si Mereya at hinigit ang buhok nito, dahilan para malaglag ito sa sahig mula sa couch.

Agad na pinrotektahan ni Mereya ang tiyan niya. Hindi pwedeng masaktan ang anak niya! Malalagot siya sa ama nitong si Jackson!

"Mama, tama na po! Wala po talaga akong kasalanan. Hindi ko po talaga alam kung paano ako napunta sa sasakyan ni Bob. I only know him by name and that's the first time I saw him! Hindi ko aagawin kay Ella ang fiancé niya dahil wala naman po akong interest sa lalaking 'yon! Please, Mama Cindy, paniwalaan mo naman po ako…kahit ngayon lang." Kitang-kita sa mga mata ni Mereya ang pagmamakaawa. Alam niyang mas papabor ang kaniyang ina kay Ella dahil ito naman ang paboritong anak pero sumubok pa rin siya. Naaawa siya sa kapatid niya dahil naudlot ang kasal nito pero ang ipinagtataka niya, sa tuwing hindi nakatingin ang kanilang ina, ngumingiti si Merella.

Maingat na binitiwan ni Cindy ang buhok ni Mereya nang makita nitong paparating si Sevi.

"Babe, bakit nandito ka?" tanong ni Cindy.

"Our client canceled our meeting." Bagsak ang balikat ni Sevi. Halatang dismayado siya. Nagsalubong ang mga kilay niya nang makita niya si Mereya. Nakaupo ito sa sahig, umiiyak at sabog-sabog ang buhok. He gritted his teeth. Nagulat siya nang maramdaman niya ang kamay ni Cindy na ngayon ay nakapulupot na naman sa braso niya.

"Babe, I told you that my eldest daughter always brings trouble, right? Do you remember?" maarteng sambit ni Cindy.

Wala sa sariling tumango si Sevi. He wants to pick up Mereya from the floor. He wants to hug her and to kiss her. Miss na miss na niya ang ex-girlfriend niya!

"Congressman called us. Ayaw na niyang ipakasal kay Merella si Bob. Hindi raw siya papayag na mapunta ang unico hijo niya sa pamilya ng mga malalandi at higad." Hinawakan ni Cindy ang batok niya. "Ouch! Ang sakit ng batok ko! Wala na talagang dinala sa pamilyang ito si Eya kung hindi sakit ng ulo!"

Labag man sa loob, inalalayan ni Sevi si Cindy papunta sa couch. Pinaupo niya ito at saka minasahe ang balikat at batok. Nakatitig pa rin siya kay Mereya kahit na may ginagawa siya.

"Ano bang nangyari, babe?" tanong ni Sevi.

"That woman sabotage her sister's wedding! She flirted with Bob! Ella found them in the city doing some kind of stuff! Hindi ko alam kung saan ako nagkulang sa pagpapalaki sa batang 'yan para mag-asal hay0p!" Ininom ni Cindy ang malamig na tubig na dala-dala ng kanilang katulong at sinenyasan itong umalis na.

Nagdilim ang mukha ni Sevi. Naalala niya noong gabing hindi siya sinipot ni Mereya sa hotel. Si Bob ba ang dahilan kung bakit walang Eya na dumating kahit na naghintay siya roon hanggang sumikat ang araw? That night, his plans changed. The moment Mereya gives herself to him, he will cancel his plan to pursue and to marry the CEO of the company he's been working with. Balak na lang niyang mag-abroad sana kasama si Mereya at doon buuin ang pamilyang pinapangarap niya. He got furious the whole night and drowned himself to alcohol. Pag-alis niya ng hotel, dumiretso na siya sa airport para isakatuparan ang nauna niyang plano. Mereya abandoned him first. He waited for her to show in front of him to explain herself pero wala siyang napala. Three weeks had passed at ni anino nito ay hindi niya nakita. Naging masaya siya sa piling ni Cindy sa loob ng maikling panahon pero iba pa rin pala ang saya niya kapag si Mereya ang kaniyang kasama. Saka lang niya napagtanto na napakatagal pala ng pitong taon. Saka lang niya nalaman na mahal na mahal na pala niya ito kahit na patago ang kanilang relasyon. Halos masiraan siya ng bait ka-iisip kung saan nagpunta si Mereya hanggang isang araw, dumating na lang ito sa engagement party niya nang umiiyak at parang galit na galit. He wanted to tell her na wala siyang ideya na ina pala nito ang babaeng papakasalan niya pero para saan pa? Everything's set. The wedding will be next week.

"Babe, narinig mo ba ang sinabi ko?" inis na tanong ni Cindy.

"I'm sorry, babe. Umamin ba si Bob na may something sila ni Eya?" Nagtagpo ang mga mata ni Sevi at ni Mereya. Ramdam niya ang galit sa mga tingin nito.

"Yes, babe. Inakit daw siya ng babaeng 'yan! Napaka-put@!" Nanlilisik ang mga mata ni Cindy habang dinuduro si Mereya.

Biglang umigting ang panga ni Sevi. Nangungusap ang kaniyang mga mata, 'Totoo ba, Eya? Totoo ba ang lahat ng sinasabi ng iyong ina?' Nagulat siya nang biglang umiling si Mereya.

"Nagsisinungaling po si Bob! I was with Jackson that night! Hindi ko po alam kung paano ako napunta sa sasakyan niya! Siguro, siguro…they set me up para hindi matuloy ang kasal nila! Hindi ka ba nagtataka, mama? Sobrang coincidence naman siguro na nandoon din sa area na 'yon si Ella nang mangyari 'yon? HINDI KO MAGAGAWANG MANG-AKIT NG KUNG SINO DAHIL IKAKASAL NA RIN AKO!"

Halos malaglag ang panga ni Sevi sa sahig sa kaniyang narinig. "I-Ikakasal ka na?" nauutal niyang sambit.

Maging sina Cindy at Merella ay nagulat din.

"Magpapakasal ka? Kanino? Doon sa lalaking nakagalaw sa'yo at sumundo sa'yo rito? Hindi mo siya mahal, Mereya! Bakit ka magpapakasal sa kaniya? Dahil nakuha niya ang virginity mo na iningatan mo ng twenty seven years?" Tumawa si Cindy. "Sisirain mo lang ang buhay mo. Hindi biro ang usapang kasal. Dapat, mahal mo ang taong makakasama mo habangbuhay."

Lumingon si Mereya kay Sevi. Tinitigan niya ito. "Hindi naman po talaga biro ang magpakasal, mama. Masaya ako dahil nagmamahal ka na ulit." Saglit siyang huminto sa pagsasalita. "Ikaw ba Sevi? Mahal mo ba talaga ang mama ko o pera lang niya ang habol mo?"

Huminto sa pagmamasahe ng balikat ni Cindy si Sevi. Napuno ng galit ang kaniyang mga mata.