Chapter 2

Mabilis pa sa alas kwatro na nakauwi si Maxene sa bahay nila. Pagkapasok na pagkapasok niya agad doon ay agad ipina-lock ang gate at takot na takot na pumasok sa loob.

Kaagad niyang hinanap ang kanyang mga anak na noon ay naglalaro pala sa silid sa itaas. Nang makita siya ni Dorie na pumasok ay bahagya itong nagulat. “Maam, na-nandito na po kayo kaagad? Hindi po ba at halos kaalis niyo lang?” tanong nito sa kaniya na puno ng pagtataka.

Sinulyapan niya naman ito at pagkatapos ay tinanguan. “Oo, may nangyari kasi. At gusto ko sana Dorie na i-empake mo na ngayon din ang mga gamit ng dalawa. Aalis na ulit tayo ngayon din.” sabi niya rito.

Kung kanina ay pagtataka lamang ang mababanaag sa mukha ni Dorie nang mga oras na iyon ay napalitan ito ng matinding pagkagulat. Nakita niyang ibinuka nito ang bibig at pagkatapos ay isinara, marahil ay gusto nitong magtanong ngunit hindi na lamang nito itinuloy iyon at pagkatapos ay tumango sa kaniya at nagpaalam.

Agad naman siyang lumapit sa kanyang mga anak at nang makita siya ng mga ito ay halos magtatakbo ang mga itong sinalubong siya. Agad niyang niyakap ang mga ito at hinalikan ang bawat noo. Sobrang bilis ng tibok ng puso niya ng mga oras na iyon. Sobrang takot na takot siya nang makita niya ang lalaking iyon. Hindi niya akalain na sa dami ng taong pwede niyang makita ay ito pa talaga.

Muling bumalot ang takot sa kanyang dibdib lalo pa at naisip niya ang posibilidad na baka kapag nakita nito ang kanyang mga anak ay ilayo nito iyon sa kaniya. Ilang sandali pa ay binitawan niya ang mga ito at hinayaan na munang maglaro. Hinanap niya ang charger ng kanyang cellphone dahil kailangan niyang magbook ngayon din ng flight nila pabalik sa ibang bansa.

~~~~

“Ano bang nangyari kay Maxene?” nakabusangot na tanong ni Sam kay Vena. nasa venue na sila ng kasal ni Vena at hinila niya ito sa isang tabi upang tanungin. Hindi kasi siya mapanatag lalo pa at nakita niya ang takot na gumuhit sa mukha nito na para bang nakakita ito ng isang multo. Wala siyang ideya kung sino ang nakita nito, iginala niya naman ang kanyang paningin sa simbahan ngunit wala naman siyang nakitang taong kakaiba.

“Hindi ko nga alam e. Nakita mo ba kung anong itsura niya kanina? Takot na takot siya? Hindi kaya nakita niya ang ex-boyfriend niya?” tanong naman bigla ni Vena sa kaniya at uminom ng champagne.

“Ex-boyfriend?” tanong naman ni Sam at pagkatapos ay napairap. “Kasal mo ito hindi ba? Bakit naman sana siya magpapakita rito at isa pa kung yung ex nga niya ang nakita niya e di sana ay hindi siya ganun katakot hindi ba? Sobrang creepy niya talaga ngayon.” dagdag pa niya at pagkatapos ay napailing.

“Well, huwag mo na nga muna siyang isipin. Puntahan na lang natin siya bukas, i-enjoy na lang muna natin ang kasal ko and, why don’t try find a guy naman para hindi ka single. Mukha kang nakakaawa na nag-iisa.” nakangising sabi ni Vena sa kaniya na ikinairap niya lang bigla.

“Wow ha? Ang lakas ng loob mo na sabihin yan, pasalamat ka mabisa yung gayumang ginamit mo kay Andrei.” sabi naman niya rito na ikinatawa nilang dalawa.

~~~

“Finn…”

“Finn…” untag ni Zake kay Finn habang nasa mesa sila.

“Ah, yes?” gulat naman na lingon ni Finn si Zake.

Ilang sandali pa ay napabuntung-hininga ito. “Kanina pa kita kinakausap. What’s wrong with you? Kanina ka pa ganyan. May problema ka ba?” tanong nito sa kaniya.

Napailing naman si Finn at pagkatapos ay napahilamos ng kanyang mukha. “Wala naman, siguro ay medyo pagod lang ako.” sagot niya pero sa katunayan ay kanina pa siya binabagabag ng babaeng nakita niya kanina na yumakap kay Vena at nakasuot ito ng pang bridesmaid.

Ang babae ay pamilyar sa kaniya na bagamat isang beses niya lang na nakita ang mukha nito noon ay talaga namang tumatak ito sa buong sistema niya. Ito ang babaeng nakaniig niya noon ilang taon na ang nakakalipas. Nang magising siya kinabukasan ay wala na ito sa tabi niya, ni walang sulat o ni contact number ang iniwan nito sa kaniya.

Sa totoo lang ay hindi niya talaga ito makalimutan dahil sa mga babaeng dumaan sa buhay niya ay bukod tangi lang ito na tumatak sa kaniya idagdag pa na noong gabing iyon ay halos magmakaawa ito sa kaniya na sumama sa kaniya na ayaw niya sana ngunit napilit siya nito at bigla na lamang may nangyari sa kanilang dalawa at bukod pa doon ay pagiging birhen nito.

Gusto niya itong sundan kanina ngunit mabilis itong nakaalis. Kitang-kita niya sa mga mata nito na nakilala rin siya nito nang magtama ang kanilang mga mata ngunit ang hindi niya malaman ay kung bakit parang nung nakita siya nito ay tila ba ito natakot kaya nagtatakbo itong umalis doon. Gusto niyang tanungin si Vena at Sam ngunit hindi niya magawang ibuka ang kanyang bibig.

Bakit parang sobrang iwas na iwas ito sa kaniya, may nagawa ba siyang mali noong gabing iyon? Samantalang pinilit niyang ipahanap ito sa kanyang mga tauhan lingid sa kaalaman ng lahat ngunit hindi nila ito hinanap. Gusto niyang bayaran ito dahil sa gabing iyon at ayaw niyang magkaroon ng utang sa kahit na sinong babae at sa kahit na sinong tao.

“Kung kailangan mo ng tulong ay magsabi ka lang sa amin. Ano bang problema?” muling tanong sa kaniya ni Zake na ikinailing niya lang muli. “Don’t tell me, ay iyon na namang last will ng Mommy mo na magkaroon ka ng anak?” tanong nito sa kaniya.

Bumuntung hininga lang si Finn at hindi niya alam kung ano ang isasagot niya rito. “No, it was just—” bigla siyang natigil sa kanyang pagsasalita nang biglang tumunog ang kanyang cellphone na dahilan kung bakit siya tumayo mula doon upang sagutin ang tawag sa kanyang cellphone.

…