Chapter 7

NAGNGINGITNGIT sa galit si Beatrice habang naglalakad palabas ng bahay ni Finn. hindi niya lubos akalain na ganung klaseng bagay ang sasalubong sa kaniya lalo pa at napakasaya niya kanina habang nakasakay siya ng eroplano at napagplanuhan na pa nga niya ang mga sasabihin niya kay Finn ngunit nasira ang lahat ng iyon nang makita niya ang babaeng kasama nito kasama ang dalawang bata na kamukhang-kamukha ni Finn, kaya sigurado nga siya na anak nito ang dalawang bata ngunit ang hindi niya lubos maintindihan ay kung paano nangyari iyon.

Naging madilim ang kanyang ekspresyon. Mukhang masisira pa yata ang plano niya kaht na hindi pa man ito nag-uumpisa. Nakakainis!

Ang isa pang napansin niya ay mukhang tuliro ang babae at parang hindi rin makapaniwala sa nangyari.Napansin niya rin ang mga bagahe na dala ng kasama nitong babae at sa porma ng mga ito ay parang kadarating lang din ng mga ito sa airport kasama niya. Hindi kaya tinaguan siya ng babae at nahuli siya ni Finn? Hindi siya sigurado kung ano ang nangyari kaya hindi niya rin masagot ang sarili niyang katanungan.

Ngunit ganun pa man ay galit siya dahil nabulilyaso na naman ang plano niya. Paano siya pakakasalan ni Finn kung may anak na ito sa iba? Pero kung one night stand lang naman ang namagitan sa mga ito ay wala siyang dapat ipangamba dahil tiyak na hindi ito mahal ni Finn. siya ang mahal ni Finn at hindi ang babaeng iyon. Kailangan niyang tiisin iyon, kailangan niyang palampasin at tanggapin ang dalawang bata para hindi sila magka-problema ni Finn. Hindi niya hahayaang mapunta sa wala ang lahat.

Ilang sandali pa ay sumakay na siya sa kotse niya dahil nagpasundo siya.

SAMANTALA, naiwan naman si Maxene sa may sofa na nakaupo pa rin at halos hindi niya alam kung tatayo na siya o ano. Hindi niya alam kung anong gagawin niya ng mga oras na iyon. Lalo at pinagbantaan siya nito na kung aalis siya ay hindi na niya makikita pang muli ang mga anak niya. Tiyak na magagawa nito ang sinabi nito hindi lang puro banta dahil sa palagay niya ay mayaman ito. Napakalaki ng bahay nito para tirhan nito mag-isa at ang babaeng kasama nito kanina ay tiyak na girlfriend nito at hindi pa nito asawa dahil umalis ito. Hindi ito doon nakatira at kahit papano ay gumaan ang loob niya dahil hindi siya nakasira ng pamilya ngunit tiyak na dahil sa mga anak niya ay magkakaroon ang mga ito ng hindi pagkakaunawaan.

Ngunit ganun pa man ay wala naman siyang magagawa doon dahil kung siya lang ang tatanungin ay wala siyang balak na sirain ang relasyon ng mga ito. Marunong naman siyang magparaya. Idagdag pa na alam niyang hindi ito papayag na ilayo ang dalawa sa piling nito kaya wala siyang pagpipilian kung ang makipag-usap dito tungkol sa custody ng dalawa. Kailangan niyang makipag-usap ng maayos at pumayag sa gusto nito para hindi lang nito ilayo sa kaniya ang dalawa.

Napabuntong-hininga siya. Ano na lang kaya ang magiging reaksyon nina Vena kapag nalaman nila na ang lalaking nakabuntis pala sa kaniya ay kaibigan ni Andrei? Napahilamos na lang siya sa kanyang mukha. Pakiramdam niya tuloy ay pagod na pagod siya. Naakaraming nangyari sa araw lang na iyon.

KANINA pa nakatayo sa tapat ng shower si Finn ngunit parang hindi pa rin niya maramdaman ang lamig ng tubig na tumatama sa kanyang katawan. Habang nakapikit siya ay hindi maalis sa kanyang isip ang mukha ng babaeng iyon kung saan ay parang bumalik sa kaniya ang lahat noong gabing iyon. Bigla tuloy siyang napapikit at hindi niya inaasahang nagbalik ang kanyang isip noong gabing iyon.

[FLASHBACK]

Ilang oras pa siyang nanatili si bar at uminom pa ng ilang basong alak. Hindi naman siya lasing kundi sakto lang. Alam pa niya ang ginagawa niya. Kanina pa siya iniwan ni Andrei kasama ang babaeng bigla na lang lumapit dito. Muli siyang napailing nang maalala niya ang nangyari. Sa isang hindi inaasahang pagkakataon ay bigla na lang may lumapit kay Andrei at tahasan nitong sinabi na gusto nito ang kaibigan niya.

Sa totoo lang ay hindi siya makapaniwala, akala niya ay nagbibiro lang ito ngunit hindi dahil seryoso pala ito. Dahil doon ay nagmamadaling umalis si Andrei na kaagad namang sinundan ng babae at naiwan siya. Pinulot niya ang kanyang baso at inisang lagok ang laman nito bago tuluyang tumayo at lumabas na ng bar. Wala na siyang ibang pupuntahan pa kaya uuwi na lang siya.

Malapit na siya sa kanyang kotse nang bigla na lang may humawak sa kamay niya. Nang lingunin niya ito ay nakita niya ang isang babae na halos matumba na marahil sa labis na kalasingan. Nang titigan niya ang mukha nito ay ito ang babaeng nakita niya kanina sa gitna ng dance floor na sayaw ng sayaw. Bagamat namumula ang mukha nito dahil sa alak ay hindi niya maiwasang hindi mapalunok dahil napakaganda nito.

Hindi pa man niya naibubuka ang kanyang bibig nang magsalita ito. “Take me with you, please…” mahina ngunit umabot sa kanyang pandinig na saad nito at para bang nagmamakaawa ito.

Bahagya siyang nagulat. Parang naulit lang ang eksena kanina ngunit sa halip na kay Andrei ay sa kaniya naman. “Miss I’m sorry but—” hindi pa man niya natatapos ang kanyang sasabihin nang bigla na lang siya nitong niyakap.

“Please… take me with you… I’m begging…” pakiusap nito at bigla na lang umiyak habang yakap-yakap siya.

Magkahalong gulat at hindi maipaliwanag na damdamin ang umahon sa dibdib niya. Sa ilang taon ay ilang babae na ang sumubok na akitin siya ngunit ni isa ay walang nagtagumpay. Ngunit ang babaeng nakayakap sa kaniya ay hindi niya ito maitaboy o ni maitulak man lang. Ilang sandali pa ay hinawakan niya ang magkabila nitong balikat at inilayo sa kaniya.

Bubuka na sana ang kanyang bibig upang magsalita nang mapatitig siya sa mga mata nitong may bahid ng luha. She looked devastated. Hindi niya alam ngunit bigla na lang siyang nakaramdam na para bang pinipiga ang puso niya at hindi niya maiwasang magalit sa taong dahilan kung bakit ito lumuluha. Sa huli ay napatingala na lang siya sa kalangitan at napalunok. Kapag inuwi niya ang babaeng ito ay tiyak na hindi niya mapipigilan ang sarili niya.

Sa huli ay isinakay niya ito sa kanyang kotse at nag-check in sa pinakamalapit na hotel. Wala siyang balak sa babae lalo pa at lasing na lasing ito. Ang plano niya lang ay iwan ito doon hanggang sa magising ito. Babayaran niya lang ang room nito at aalis din siya. Ngunit nang maihiga niya ito sa kama at akmang kukumutan na sana ay bigla na lang siya nitong hinila. Akala niya ay tulog ito ngunit bigla na lang itong nagmulat ng mga mata at sa isang iglap ay bigla na lang siya nitong hinalikan sa kanyang labi at ikinawit ang mga braso sa leeg niya.

Ilang minuto niyang pinigil ang sarili niya ngunit hindi niya rin napigilan na humantong sa mainit na pagniniig sa pagitan nila. Ngunit paggising niya ay wala na ito sa tabi at ang tanging naiwan na lamang ay ang pulang mantsa sa bedsheet na tanda ng pag-iisa ng katawan nila.

…