CHAPTER 7: Persephone's family

Hindi maipinta ni Persephone ang kanyang nararamdaman simula nang siya ay umapak sa hacienda. Ang mga guwardya ay agad siyang binati kanina, pero isang ngiti lang ang pinakawalan niya. Puno ng takot ang dibdib ni Persephone dahil ayaw niyang pumunta rito, kaso wala na siyang magagawa dahil nandito na siya.

Siya ay nakatayo sa isang napakalaking bahay na tila katulad ng pamamahay ni Zaugustus. Isang napakagandang paligid din ang masisilayan mo sa rami ng mga tanim at iba't ibang klase ng puno.

Bumuntong hininga si Persephone at saka naglakad papasok. Ang kanyang kamay ay napakapit bigla sa suot niyang uniporme at saka pumikit sandali.

"I know you can do it," pagpapalakas ni Persephone sa sarili.

Nang makapasok ito, isang hindi magandang awra agad ang naramdaman niya. Pilit siyang ngumiti at saka binati ang dalawang tao na nasa harapan niya.

"Maganda hapon sa inyo." Sabay iwas niya at saka isang napakagandang ngiti ang sumalubong kay Persephone dahil sobrang tagal niyang di umuwi r