One Night Mistake With A Billionaire

It's been three months when Persephone got pregnant with unknown man. Isa lang ang naaalala niya. Siya ay nakahiga sa isang kama at may katabing lalaki. Napakakinis ng balat nito at halatang galing sa mayamnag pamilya. Kaso sa sobrang takot niya, siya ay umalis ng walang paalam at kahit isang trace ay wala siyang iniwan.

Ang naalala lang niya ay uminom siya ng isang wine na binigay ng kanyang step sister na si Reign Stevan. Nang maganap ang birthday celebration ng kanyang lolo na si Eric Sawyer. Hindi nag-isip ng masama si Persephone, dahil hindi niya ugaling pag-isipan ng masama ang tao, kahit na anong sama nito.

Siya ngayon ay nakatingin sa salamin at parang tumataba siya. Ang kanyang pants na sinusuot sa eskwelahan ay hindi na rin kasya sa kanya. Maging ang uniporme na sinusuot niya. Hindi nito maiwasan na mairita at napahawak sa kanyang mukha.

"What should I do?" tanong ni Persephone sa sarili. Wala rin siyang ideya kung paano magpalaki ng bata at sa ngayon ay wala pang nakakaalam na siya ay buntis. Kinuha niya ang bag niya at saka nagmadaling tumawag ng tricycle. Pagod na siya kahit ilang hakbang lang ang ginawa niya.

Si Persephone Lue Sawyer ay anak at apo ng isang billionaire. Ngunit ang ama nito ay patay na. Kaya naman ang lolo niyang si Eric ay handang protektahan at alagaan ang nag-iisang naiwasan sa kanya ng anak. Si Persephone lamang ang natatanging Sawyer na natitira at siya lang ang tagapagmana. Dahil ang anak ni Eric ay isa lamang, walang iba kung hindi ang namatay na ama ni Persephone. Pero kahit na mayaman si Persephone, pinili nitong mag-isa. Siya ay nakatira sa isang apartment at umuuwi lang siya sa hacienda kapag kailangan. 

Hanggang sa makababa na si Persephone. Ang kanyang tuhod ay nangangatal. Napahawak ito sa poste na malapit sa gate ng paaralan. Mabilis na kasi siyang mapagod, pero pilit pa rin naglakad. Pero isang boses ang narinig ni Persephone at napatigil siya sa paglalakad. 

"Persephone!" sigaw ng kaibigan niyang si Kendall Warden. Kaya medyo nakahinga si Persephone at agad siyang humingi ng tulong.

"Bakit parang pagod na pagod ka? Ano bang problema mo? At saka parang tumataba ka ata?" Bumuntong hininga si Persephone at ayaw na rin niya itong ilihim sa kaibigan. Wala siyang malalapitan sa ngayon, kaya naman hinila niya ito palabas ng eskwelahan at sumakay muli sa tricycle.

"Hoy! Saan naman tayo pupunta? Gusto mo bang mapagalitan tayo ng professors natin?" Ayaw ni Persephone sa maingay. Masama ang pakiramdam niya, kaya nais na niyang sabihin sa kaibigan.

"Malalaman mo kapag nandoon na tayo. Kaya kumalma ka nga muna," sabi nito at saka isang hospital ang kanilang binabaan. Takang-taka rin si Kendall ng pumunta sila sa hospital at isang Doctor ang sumalubong sa kanila. 

"Ms. Sawyer, buti na lang ay may kasama kayo ngayon." Sabay tingin ng babaeng Doctor kay Kendall.

"Yeah! She's my friend," simpleng tugon ni Persephone at gulong-gulo pa rin si Kendall. Para siyang bumubuo ng puzzle at may mga nawawala pang parte. 

"You need to rest. Hindi pa rin ba alam ng parents mo?" tanong ng Doctor at umiling lamang siya.

"Hay nako! Kayo talagang mga kabataan kayo. Ang hilig n'yo sa mga gulo, tapos ngayon ay wala ka pang ama 'yang dinadala mo." Dahil sa sinabi nito, nanlaki ang mata ni Kendall.

"Ano buntis ka?!" sigaw nito at halos mabingi ang dalawa. Hindi na lang sumagot si Persephone at binigyan siya ng gamot at tuluyang lumabas sa hospital. 

Sa kanilang paglalakad. Ramdam ni Persephone ang inis ni Kendall sa kanya. Kaya naman hinarap niya ito at hindi naman siya nagkakamali. Nakakunot ang noo nito at nakataas ang isang kilay. Habang isang bench ang nakita nila malapit sa hospital. Niyaya ito ni Persephone na umupo sa gilid ng dahil sa pagod na kanyang nararamdaman. 

"Huwag mo sabihin hindi mo sinasabi sa akin ang tungkol d'yan sa dinadala mo? At ano 'yong narinig ko na walang tatay 'yan? Ano 'yon, nagkalaman na lang bigla?" Napahawak sa sintido si Persephone at alam niyang magiging ganito ang reaksyon ni Kendall. Maingay kasi ito at talagang matalak. 

"Pwede bang huminahon ka muna? Paano ko sasabihin sa iyo kung pinangungunahan mo ako?" Umirap naman si Kendall at hinayaan niyang magsalita si Persephone. 

"Matapos ang birthday celebration ni lolo, binigyan ako ng wine ni Reign. Tapos nagising na lang ako na may katabi akong lalaki, kaso hindi ko nakita ang mukha niya ng dahil sa pagkataranta." Parang binuhusan ng malamig na tubig si Kendall at nalilito pa siya. Naririnig lang kasi niya ang mga pangalan na ito at hindi pa nakikita sa personal.

"Maniniwala ka ba kung sasabihin ko sayong apo ako ni Mr. Eric Sawyer?" Lalong sumakit ulo ni Kendall at saka siya tumayo. 

"Alam mo? Ang dami mo namang nililihim sa akin. Kung gano'n, totoo ang hinala ko na kamag-anak mo ang matandang 'yon?" Hinampas naman ni Persephone ang kaibigan ng dahil sa sinabi niya. Pero tumawa rin naman sila ng marealize ni Kendall ang tinawag niya sa lolo ni Persephone.

"Biro lang, pero ano na ang gagawin mo?" Sabay kibit balikat ni Persephone. "Hindi ko alam. Basta ang alam ko ay itatago ko ito at hindi sasabihin sa pamilya ko. Sigurado akong mag-aalala sa akin si lolo at mahihirapan lang ako dahil siguradong nand'yan si Reign, para pahirapan ako."

Napapikit sandali si Persephone nang maisip niya ang lahat. Kinakabahan man siya ay wala na siyang magagawa, dahil ang bata ay nabuo na sa sinapupunan niya at wala sa isipan niya na ipalaglag ito. Kaya sigurado na siya na tatanggapin niya ito, kahit na anong mangyari. 

Kasabay no'n ang isang mahigpit na yakap na naramdaman ni Persephone, "Hindi ko alam paano kita matutulungan, alam mo naman na hindi rin kami mayaman. Pero tutulungan kita para maitaguyod 'yang baby mo."

Napangiti naman si Persephone at nawala ang kaba at takot na namumuo sa kanyang dibdib. Ginantihan tuloy niya ito nang isang mahigpit na yakap. 

"Sa tingin ko ay kailangan mo nang umuwi. Ako na ang bahala sa school at magpahinga ka. I-chat mo ako agad okay?" saad ni Kendall at tumango naman si Persephone at saka tumayo. Masama talaga ang pakiramdam niya at kailangan talaga niyang magpahinga.