Chapter Three

Agad niyang naitulak ang lalaki ngunit hindi niya kayang pantayan ang lakas nito sa pagpigil sa kanya na kumawala mula rito.

“Xander! Let go of Margarette at once!” pasigaw na sita ni Miguel sa kaibigan nito, bumabahid pa rin sa boses nito ang pagiging authoritative.

Napigil ng dalaga ang paghinga sa tinuran ng kanyang Boss. Ramdam niya ang galit sa boses nito. Nang lumuwag ang pagkakahawak ng preskong lalaki sa kanya, agad siyang kumawala rito saka tinalikuran, at naging mabilis ang kanyang hakbang papunta sa conference room.

Nahagip pa ng kanyang pandinig ang malakas na pagtawa ng preskong lalaki, bago tuluyang nakapasok ng conference room.

Malalim na paghinga ang kanyang pinakawalan matapos mainom ang isang basong tubig. Napahawak siya sa sariling dibdib. Daig niya pa ang nakipag-paligsahan sa isang athletic sports habang sila ay nagme-meeting. 

Hindi niya alam kung bakit hinayaan ng kanyang Boss, na mag-sit in sa kanilang meeting ang presko nitong kaibigan. Sa mahigit dalawang oras nilang discussion ay sa kanya lang ito nakatingin. Pakiramdam niya maging ang cells ng kanyang katawan ay nakikita na nito sa paraan ng pagkakatitig nito.

Ipinagpasalamat na lamang niya, nagawa niyang itawid ng maayos ang kanyang presentation kanina. Hindi tuloy siya nagkaroon ng pagkakataon na mapagpantasyahan ang gwapo niyang Boss.

“Did I already hack your system, Baby?” nang-aakit na boses mula sa kanyang likuran.

Agad siyang napapihit paharap rito at nagsalubong ang kanyang mga kilay nang magtama ang kanilang mga mata. Nakasandal patagilid ang katawan nito sa panel ng pantry door ng 10th floor habang nakakibit-balikat, at pilyo ang mga ngiti sa labi.

Hindi na nito suot ang leather jacket, kaya lumantad sa kanyang paningin ang makinis nitong mga braso, na lalong pinatingkad sa light blue polo shirt nitong suot. Mariin siyang napatitig sa malaking cross sign na tattoo sa mamasel nitong right bicep.

Naipilig niya ang kanyang ulo sa disappointed sa nakita. Isa sa ayaw niya talaga sa isang lalaki ay may tattoo. Ewan niya, pero talagang big turn-off sa kanya iyon. Marahil malaki din ang naging impluwensya ng kanyang ina at mga kamag-anak noong kabataan niya. 

Madalas kasi na krimen sa probinsya nila noon ay kidnapping at rape. Ang tumatak sa isip nilang magkakapatid ay ang habilin nga ng kanilang mga magulang at kamag-anak, na hindi basta-basta makikipag-usap sa mga lalaking may tattoo. Madalas sa nababalitaan noon na mga suspek ng kidnapping at rape ay may mga drawing sa katawan.

“I guess you need plenty of water, Sir. Malaki ang naitutulong ng tubig para makadaloy ng maayos ang dugo sa utak natin,” wala sa isip na naisatinig niya.

Hindi niya na talaga kayang pigilan pa ang inis na nararamdaman sa preskong lalaki na kaharap. Later niya na iisipin kung ano man ang posible na  maging consequence sa pagtataray niya rito.

Napayuko ito habang humahagikhik. Kung pagmamasdan lamang niya ito sa ganitong anyo, iisipin mo talagang matino itong kausap. 

Iniwas niya na ang kanyang tingin sa lalaki, at marahang tinungo ang lababo para hugasan ang basong nagamit. Marami pa siyang pending na trabaho para aksayahin lang sa walang kwentang lalaki.

“My brain's blood flow hasn't been disturbed before I laid my eyes on you, Baby,” he retorted in a sexy voice.

Natigil si Magz sa pagsasabon ng baso. Hindi niya inaasahan na makakaya nitong tapatan ang panunudyo niya rito. Narinig niya ang bawat yapak nito. Lihim siyang humugot ng malalim na paghinga para maihanda ang sarili sa kung anumang posibleng mangyayari sa pagitan nila ng preskong lalaki.

“I feel like my thoughts are straying into nowhere. You’ve already occupied my mind, Marga,” he said softly.

Marahang inilapag ni Magz ang hawak na baso saka binanlawan ang mga kamay, at taas-noo itong hinarap. Agad siyang napaatras ng isang hakbang dahil hindi niya inaasahan na sobrang lapit na nito sa kanya.

“How can I help you, Sir? So, you won't bug me anymore?” she asked forthrightly. 

Lalo naging pilyo ang mga ngiti nito sa labi at tila nanunukso ang mga mata, habang ipinagpatuloy pa rin nito ang paghakbang palapit sa kanya. Kaya napapaatras din ang dalaga, para magkaroon sila ng kahit kunting distansya nito. 

Ngunit napalunok siya ng sunod-sunod nang marinig niya ang pagtunog ng cabinet na nabangga niya. She was being sandwiched between the kitchen cabinet, and with this man. Gayunpaman, hindi ipinahalata ng dalaga sa lalaki ang pagkabahala niya sa pagkakalapit nilang dalawa.

“My questions are still unanswered, Baby,” He said softly and seductively.

Napakurap ng ilang beses ang dalaga sa narinig, at pinatrabaho ng mabilis ang kanyang isip. Humalukipkip siya nang maalala ang tinutukoy nito.

Lumunok muna siya ng mariin, saka pinasingkit ang mga mata. “For your first question, yes, I’m still single. But, I will never be yours, Sir,” kaswal niyang sagot.

Humigpit ang pagkakahawak niya sa kanyang mga braso nang humari sa paligid ang malakas nitong tawa. Malakas ang kutob niya na may naiisip na kapilyuhan ang lalaking kaharap. Sa attitude na ipinakita nito sa kanya mula kanina, sigurado siya na hindi ito basta-basta na lamang tumigil hangga’t hindi nito nakukuha ang gusto.

Confident naman siya na hindi ulit magku-krus ang landas nila. This week, Davao ang schedule niya, pero next week babyahe siya patungong region IX, at mamalagi roon for one month. At sigurado siya na pinagtri-tripan lang siya nito ngayon. 

Ang bilyonaryong katulad ng lalaking ito ay kailanman hindi papatol sa katulad niya na trabahante lamang ng kaibigan nito. At sa pagkakaalala niya sa narinig mula kay Ellen ay ikakasal na ito.

“Why, Marga? Why won't you be mine?” he asked teasingly.

Napalunok ang dalaga, nang ibaba nito ang mukha, at inilapit sa kanya upang magpantay ang kanilang mga mata.

“Do you think it's too early to tell me that, Baby?” he smirked and winked at her teasingly.

Pinili ni Marga na hindi muna umimik, hinayaan niya muna ito sa gusto pa nitong sabihin, habang tinatapatan ang nanunukso nitong mga tingin.

“Is it because you like Miguel more than me?” he asked with a serious tone.

Nanlaki ang kanyang mga mata sa narinig mula rito.