Chapter 64

Naiwang tulala at halos manginig ang kamay ni Rica habang hawak ang cellphone na iniwan ni Kerby. Nagtatalo ang isip niya kung ano ang tamang gawin at kung ano ang tamang desisyun.Ilang beses na ba niyang naisip ang sandaling ito,ilang beses pinangarap at ilang beses na kinatakutan. Gustohin man niyang magalit kay Justin at mainis sa panggigipit na ginagawa nito pero dapat pa rin siyang magpasalamat dito sa tulong nito sa anak niya.

Utang na loob niya ang naging kaligtasan ng anak kahit pa sabihing kadugo nito ang bata.May dapat pa rin siyang pangilagan dahil kapag idinaan ni Justin sa legal na paraan ay may karapatan si Justin sa bata at doon siya talo doon siya siguradong masosokol.Malaki rin ang kasalanan niya sa lalaki dahil sinadya niyang ilihim ang naging bunga ng gabign iyon na kung tutuusin ay maarin man niyang ipaalam.Noon pa man ay kinakain na siya ng guilt.

Nakatulugan na ni Rica ang mga alalahanin.Ang lahat ng pagod, bigat ng kalooban at pangamba ng nagdaang halos isang