Chapter Twenty Five: Cousin

"Teka lang, Chanel," ani Dior at binitawan ang pagkakahawak ko sa kaniyang braso. Humawak siya sa kaniyang dibdib na para bang sobra'ng kaba ang nararamdaman niya ngayon. Matapos iyon ay tumingin siya sa mga mata ko dahilan upang magtagpo ang aming mga mata.

"Ano'ng nangyayari sa 'yo?" nagtatakang tanong ko ngunit nanatili lang siyang nakatingin sa akin. Lumipas ang ilang segundo ay gano'n pa rin siya kaya ako na ang umiwas ng tingin.

"Ikaw nga..." wala sa sariling aniya dahilan upang kumunot ang aking noo. Anong ako? Ano ba'ng sinasabi niya?

Akmang magtatanong pa lang sana ako ngunit biglang umilaw ang mga mala-christmas lights sa paligid ng buong garden kung nasaan kami. Mangha kong nilibot ang aking paningin dahil napakaganda talaga ng view rito ngayon.

"Grabe... napakaganda rito," sambit ko habang nakangitin