Chapter 12

Clayton Pov

Medyo madilim na nang makauwi ako sa bahay namin. Madilim ang bahay mula sa labas kung nasaan ako ngayon. Sobrang tahimik pero namiss ko ang bahay na 'to. Hindi ko alam na isang araw ay iiwan ko pala pansamantala ang bahay na kinalakihan ko.

Pumasok ako sa loob at binuhay ang ilaw sa maliit naming tanggapan saka ako pumunta sa kusina para kumuha ng tubig. Pero nang makita ko ang tubig mula sa gripo ay biglang gusto kong maligo.

Napapikit ako nang maalala ko na naman ang nangyari sa amin ni Lorcan kanina sa classroom. Hindi ko mapigilang maging emosyonal. Tao ako, may damdamin at nasasaktan din. At ang nangyari kanina ay sobra akong nasaktan. Pakiramdam ko ay katulad na ako ng mga pokpok d'yan sa tabi-tabi.

Umiling ako.

Sa isang classroom pa talaga. Ganun ba talaga ako ka-baba? Demonyo talaga si Lorcan.

Demonyo pero gusto mo naman. Bulong sa kabilang utak ko.

Pumunta ako sa maliit kong kwarto dito sa bahay namin. Hinubad ko lahat ng damit ko at pumunta sa CR para malig