Chapter 12: COOK FOR HIM

Magkasalubong na naman ang kilay ni Matteo habang sinasalo ng kaniyang katawan ang lagaslas ng tubig mula shower. Hindi mawala sa isipan niya ang napag-usapan nila kanina ng dalawang kaibigan niya. Naibulong pa niya ang tanong na, "What the fück? Sister?"

Nangilabot siya sa isiping iyon, lalo na't posible namang mangyari iyon. Pero ayaw niyang isipin, pinakialaman na niya si Mahalia, kahit na tingin at hawak pa lang ang nagagawa niya, parang isusumpa niya ang sarili niya kapag naging totoo iyon.

Pero dahil praning siya, sinampal niya ang noo niya at minura ang sarili, "Stupid. She's not your sister, Matteo. You're just overthinking."

Tinapos na lang niya ang kaniyang pagligo. Lumabas siya sa banyo at nadatnan niya si Mahalia na inaayos ang mga gamit nito sa walk-in closet. Sinamaan niya ito ng tingin, hindi dahil naiinis siya kundi dahil naa-awkward siya. Pero ngumiti ito sa kaniya, "Sorry, sir, makalat pa."

Binaliwala niya ang sinabi nito. "Where's Finn?" tanong niya.

"Ahm...