Chapter 82: A THREAT

Napansin ni Mahalia na sinamaan ng tingin ni Finn si Matteo. Maya-maya umalis itong si Finn at siya naman binigyan ni Matteo ng pahintulot na kumuha pa ng pagkain. Magkasama naman sila ni Bree na namili ng kakanin nila.

"Ano steak ka ulit?" tanong ni Bree sa kanya ng pabulong.

"Ang sarap kasi eh," aniya at tinuro niya ang lasagna. "Tsaka may lasagna sila."

"Don't tell me kakain ka pa ng lasagna?" animo'y gulat na tanong nito. Sinisilip pa nito ang mukha niyang tila ba'y may kinakatakahan sa kaniya.

"Eh kasi...." Nagpatunog siya ng dila at napangiwi. "Alam mo ba, parang ang sarap kumain ngayon, tapos puro lahat paborito ni Matteo yung gusto kong kainin."

Napansin niya ang pagbuka ng bibig nito na animo'y nagulat. Kumunot naman ang noo niya at napatanong ng, "Bakit?"

Nagtikom ito ng bibig at nagpanggap na parang wala lang, sa pamamagitan ng pag-iling at sinabing, "Wala."

Nagtataka man, pinili na lang niyang baliwalain ito. Nag-order na lang siya ng pagkain na gusto niya, at habang